اۋدانعا ەلىمىزدەگى بولگاريا رەسپۋبليكاسى ەلشىلىگىنىڭ كونسۋلى ميتكو حريستوۆ جانە ەلشىلىكتىڭ مادەنيەت جونىندەگى كەڭەسشىسى بوچۆاروۆا گالينا, ەتنو-مادەني بىرلەستىكتەر, رەسەي, گەرمانيادان, اقتوبە, تالدىقورعاننان كەلگەن بولگار جۇرتىنىڭ وكىلدەرى قاتىستى.
بەسسارابيا مەن ۋكراينا بولگارلارىنىڭ قازاق جەرىنە قونىستانعان التىنشى ۇرپاعى قازىر ەلىمىزدە تۇرىپ, ءومىر سۇرۋدە. جينالعان جۇرتشىلىق حالىقتار بىرلىگىنىڭ دامۋىنا ۇلەس قوسقان قازاقستان حالقى اسسامبلەياسى توراعاسىنىڭ بۇرىنعى ورىنباسارى ولەگ دىموۆتى ەسكە الدى.
اۋدان اكىمى ابىلاي ءامىرين اۋدانداعى رازۋموۆكا, اندريانوۆكا اۋىلدارىنا سول جىلدارى كەلگەن بولگاردىڭ ۇرپاعى تۇرىپ جاتقانىن, اۋىل اتاۋلارىنىڭ وتكەن كۇندەردەن قالعان ەستەلىك ەكەنىن ايتىپ ءوتتى.
«قازىر وبلىستا 1000-عا جۋىق بولگار ەتنوسىنىڭ وكىلى, ال اقتوعاي اۋدانىندا 200-دەن استام بولگارلار تۇرادى. ولار مىسالى, ەلىمىزدىڭ, اۋىل, اۋدانىمىزدىڭ دامۋىنا ۇلەستەرىن قوسقان دىموۆتار, فۋچيجي, تەتيكلي, دراگانوۆتار, سەروۆتار, باكلاجانسكيلەر, سوكولى, ۆيتكوۆتار, ميحوۆتار, ستويانوۆتار, كيسەنكو, تودوروۆتار, گاليۋروەۆتەر, ستانچەلوۆتار, يۋسيمبەليلەر اۋلەتتەرىنىڭ ەسىمدەرى وڭىرىمىزدە جاقسى تانىمال», دەدى ا. ءامىرين.
2002 جىلى وبلىس ورتالىعىندا وبلىستىق «سلاۆيانە» بولگار ەتنومادەني بىرلەستىگى قۇرىلدى. ەتنومادەني بىرلەستىكتىڭ توراعاسى شاتوۆا ۆالەنتينانىڭ ايتۋىنشا, ورتالىقتا بولگار ءتىلى مەن مادەنيەتىن ۇيرەنۋگە بارلىق جاعدايلار جاسالعان. جىل سايىن مەكتەپ تۇلەكتەرى بولگاريا جوعارعى وقۋ ورىندارىنا تۇسۋدە بولگار تىلىنەن جوعارى باعا الىپ سوفيا, ۆارنى, بلاگوەۆگراد قالالارىنداعى جوعارى وقۋ ورىندارىنا ءتۇسىپ, وقۋلارىن جالعاستىرۋدا.
شارا كونتسەرتتىك باعدارلامامەن جالعاستى. كونتسەرت «تۋعان جەر» انىمەن باستالدى. باعدارلامادا «روسنا كيدكا», «بيالا روزا» جانە «لازاركي» شىعارماشىلىق ۇجىمدارى, سونداي-اق اندريانوۆكا اۋىلىنىڭ ونەرپازدارى ونەر كورسەتتى.
فاريدا بىقاي,
«ەگەمەن قازاقستان»
سۋرەتتەردى تۇسىرگەن: ماقسات ايتباەۆ
