بيىل 1 ماۋسىمدا «PrimeAviation» اق مەن 12 ماۋسىمدا «KazAirJet» اق اۋە كومپانيالارى EASA-دان (ۇشۋ قاۋىپسىزدىگى جونىندەگى ەۋروپالىق اۆياتسيالىق اگەنتتىك) بارلىق قاجەتتى پروتسەدۋرالاردان ءساتتى وتكەندەرى تۋرالى جانە ەۋروپالىق تالاپتارعا سايكەس كەلەتىندىگى جونىندە جازباشا رۇقسات الدى.
ەسكە سالا كەتەيىك, 2016 جىلدىڭ 8 جەلتوقسانىندا ەۋروپالىق كوميسسيا بارلىق قازاقستاندىق اۋە كومپانيالاردىڭ ەۋروپاعا ۇشۋلارىنا شەكتەۋ قويىپ تاستاعان بولاتىن.
بۇگىنگى كۇنى «قارا تىزىمدە» قازاقستاندىق اۋە كومپانيالار جوق.
ەۋروپالىق وداققا ءۇشىنشى ەلدەردەن رەيستەردى جۇزەگە اسىرۋ ماقساتىندا 2014 جىلدىڭ ءساۋىر ايىندا ەۋروپالىق كوميسسيا ءۇشىنشى ەلدەر ەكسلۋاتانتتارىنىڭ اۆتوريزاتسيادان مىندەتتى تۇردە ءوتۋ تالابىن ەنگىزگەن بولاتىن.
اتالمىش اۆتوريزاتسيالاۋ پروتسەدۋراسىن ۇشۋ قاۋىپسىزدىگى جونىندەگى ەۋروپالىق اۆياتسيالىق اگەنتتىگى جۇزەگە اسىرادى (EASA). ەكسپلۋاتانتتى اۆتوريزاتسيالاۋ پروتسەدۋراسىنا سايكەس, ۇشۋ قاۋىپسىزدىگى جونىندەگى ەۋروپالىق اۆياتسيالىق اگەنتتىگىنە (EASA) رەيستى ورىنداردىڭ الدىندا ەرتەرەك تاپسىرىس بەرىپ قويۋ كەرەك.
«SCAT» اۋە كومپانياسى العاشقى اۆتوريزاتسيا تاپسىرىسىن 2015 جىلدىڭ 25 مامىرىندا بەرگەن.
وتكەن جىلدىڭ سوڭىندا قازاقستاندىق اۋە كومپانيالار ءۇشىن ەۋروپاعا ۇشۋعا قويىلعان شەكتەۋ رەسمي تۇردە الىنىپ تاستالعاننان كەيىن 2017 جىلدىڭ 11 ساۋىرىندە EASA پەن «SCAT» اق وكىلدەرىنىڭ تەحنيكالىق-كەڭەستىك كەزدەسۋى بولدى.
ساراپتاما ناتيجەسى بويىنشا EASA «SCAT» اۋە كومپانياسىنا بىرقاتار ەسكەرتۋلەر جاسادى. ەكسپلۋاتانت ەسكەرتۋگە سايكەس ءتيىستى جۇمىستار اتقارىپ, كەمشىلىكتەردى جوياتىن بولادى.
وسىلايشا, بۇگىنگى كۇنى وتاندىق «AirAstana» اق, «PrimeAviation» اق جانە «KAZ AIR JET» اق اۋە كومپانيالارى EASA اۆتوريزاتسياسىنان ءساتتى ءوتىپ شىقتى.
