تامارا دۇيسەنوۆانىڭ ايتۋىنشا, قازاقستاندا ايەلدەر ەڭبەگىن پايدالانۋعا تىيىم سالىنعان 25 جۇمىس قامتىلعان ءتىزىم قولدانىستا. ولاردىڭ ىشىندە مەتالل وڭدەۋ, قۇرىلىس, تاۋ-كەن, مەتاللۋرگيالىق جۇمىستار, تسەمەنت ءوندىرىسى بار. تىزىمدە ايەلدەر ەڭبەگىن پايدالانۋ تىيىم سالىنعان 287 اسا زياندى, قاۋىپتى جانە اۋىر ماماندىق قامتىلعان. ماسەلەن, اسفالتبەتونشى, مەتالل قۇيۋشى, قازاندىقشى, بۋلدوزەر, كران ءماشينيستى, سۋعا سۇڭگۋشى, جول مونتەرى, ەلەكتر مونتەرى.
ء«بىز بۇل ءتىزىمدى جىل سايىن جاڭارتىپ وتىرامىز. قازىر الەۋمەتتىك ارىپتەستەرىمىزبەن جانە قازاقستاننىڭ ىسكەر ايەلدەر قاۋىمداستىعىمەن بىرلەسىپ بۇل ماسەلەگە قايتا ورالۋدى ءجون كوردىك. تەحنولوگيالىق پروتسەستەردىڭ ەنگىزىلۋىنە وراي كەيبىر ءوندىرىس تۇرلەرى ادام دەنساۋلىعىنا كەرى اسەرىن تيگىزبەي جۇمىس ىستەۋىنە مۇمكىندىك بەرەدى», - دەدى مينيستر.
2017 جىلدىڭ سوڭىنا قاراي ءتىزىمدى وڭتايلاندىرۋ بويىنشا ناقتى ۇسىنىستار ازىرلەنەدى. 2016 جىلدىڭ قورىتىندىلارى بويىنشا قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك قاتىناستارىندا ءوزىن-ءوزى رەتتەۋ ءپرينتسيپى جۇمىس ىستەيدى دەپ تۇجىرىمدادى.
«2015 جىلمەن سالىستىرعاندا, وتكەن جىلى بىزدە جاسالعان جەكە ەڭبەك كەلىسىمشارتتارىنىڭ سانى 60 مىڭعا ارتتى», - دەدى تامارا دۇيسەنوۆا.
سونىمەن قاتار,ەلىمىزدەگى بارلىق ءىرى جانە ورتاشا كاسىپورىندار ۇجىمدىق كەلىسىمشارتتارمەن قامتىلعان. «بۇگىندە 88% ءىرى, 90% ورتاشا جانە 31% شاعىن كاسىپورىننىڭ ۇجىمدىق كەلىسىمشارتتارى بار. بۇل - جۇمىسشىلار وكىلدەرى مەن جۇمىس بەرۋشىلەردىڭ ارىپتەستىگىنىڭ ناتيجەسى», - دەدى مينيستر.
