ستاتيستيكا مالىمەتتەرىنە سايكەس, بيىلعى جىلدىڭ بەس ايىندا ءجىو بويىنشا وڭ قارقىن بايقالدى, سونىڭ ىشىندە, اعىمداعى جىلدىڭ قاڭتار-مامىر ايلارىنىڭ قورىتىندىسى بويىنشا ءوسىم وتكەن جىلدىڭ وسى كەزەڭىمەن سالىستىرعاندا 4,1%-دى قۇرادى. التى ماڭىزدى سالانىڭ دامۋ قارقىنىنان تۇراتىن قىسقا مەرزىمدى ەكونوميكالىق ينديكاتور 5,8%-عا ءوستى.
ونەركاسىپتە وڭ قارقىن بايقالدى – 7,8%, قىزىلوردا, ماڭعىستاۋ, وڭتۇستىك قازاقستان وبلىستارىنان وزگە بارلىق وڭىرلەردە ونەركاسىپ ءوندىرىسىنىڭ دەڭگەيى بويىنشا ءوسىم بايقالعان. قۇرىلىستا, ساۋدا مەن كولىك سالاسىندا دا وڭ قارقىن بەلگىلەنگەن. ينفلياتسيا 7,5% دەڭگەيىندە ساقتالدى.
قر پرەمەر-ءمينيسترى باقىتجان ساعىنتاەۆ مەملەكەتتىك ورگانداردىڭ باسشىلارىنا جانە وڭىرلەردىڭ اكىمدەرىنە بيىلعى جىلدىڭ ناتيجەلەرى بويىنشا ەكونوميكاداعى جوسپارلانعان ينديكاتورلارعا قول جەتكىزۋدىڭ كەشەندىك جۇمىستارىن جالعاستىرۋدى تاپسىردى.
