سونىمەن قاتار, شەۆرون كومپانياسىنىڭ قولداۋىمەن استانا قالاسى يۋنەسكو كلۋبى – بالالار كوركەمسۋرەت مەكتەبى وسى تاقىرىپتا ۇيىمداستىرعان رەسپۋبليكالىق سايىستىڭ جەڭىمپازدارى ماراپاتتالدى.
ەكسپو-2017 حالىقارالىق مامانداندىرىلعان كورمەسىنىڭ اشىلۋىنا وراي ۇيىمداستىرىلعان سايىستىڭ تاقىرىبى «بولاشاقتىڭ ەنەرگياسى» تاقىرىبىنا سايكەس بولۋى كەزدەيسوقتىق بولماسا كەرەك. بۇل جارىس جەتكىنشەكتەرگە قورشاعان ورتانى قورعاۋ, ەكولوگيالىق مادەنيەتكە تاربيەلەۋ جانە كەلەشەك ۇرپاق اراسىندا بەينەلەۋ ونەردى ناسيحاتتاپ, شىعارماشىلىق قابىلەتتەرىن ارتتىرۋ ماقساتىندا ۇيىمداستىرىلدى.
سايىسقا بارلىعى 250 جۇمىس كەلىپ ءتۇستى. قاتىسۋشىلاردىڭ باسىم بولىگى قازاقستاننىڭ ءار وڭىرىندەگى كوركەمسۋرەت جانە ونەر مەكتەپتەرىنىڭ تۇلەكتەرى. ءادىل-قازىلار القاسىنا قر سۋرەتشىلەر وداعى, ونەر قايراتكەرلەرى, سونداي-اق قر ەڭبەك سىڭىرگەن سۋرەتشىلەرى قاتىستى. ولاردىڭ قاتارىندا تاتارستاننىڭ حالىق سۋرەتشىسى ك.بۋللاەۆ, قازۇوۋ-ءدىڭ «كەسكىندەمە جانە ءمۇسىن» كافەدراسىنىڭ مەڭگەرۋشىسى ج.جۇكەنوۆ بار.
جارىس قورىتىندىسى بويىنشا, 12-14 جاس ارالىعىندا باس جۇلدەنى ديانا وتەتىلەۋوۆا (اقتوبە) يەمدەنسە, ءبىرىنشى ورىندى اديا ناسىبۋللينا (الماتى) الدى. ەكىنشى جانە ءۇشىنشى ورىندارعا تيىسىنشە, يۋليا مويسەي (پاۆلودار) مەن اسان قايروللاقىزى (الماتى) لايىق دەپ تانىلدى.
15-16 جاس ارالاعىندا گران-پريگە الينا ۋتاەۆا (استانا) قول جەتكىزدى. ءبىرىنشى ورىن ەلەنا كلادچەنكوعا (ليساكوۆسك) بەرىلسە, ەكىنشى ورىندى زارينا تاۋەكەل (شاحتينسك) مىسە تۇتتى. ۇزدىك ۇشتىكتى ديلارا اقىلباي (شىمكەنت) تۇيىندەدى.
