كەلىسسوز بارىسىندا قازاقستان پرەزيدەنتى قىتاي توراعاسىمەن وسى جىلدىڭ ىشىندە ءۇشىنشى مارتە كەزدەسىپ وتىرعانىن, بۇل ەكى ەل اراسىنداعى ىنتىماقتاستىقتىڭ بارىنشا جوعارى ەكەنىن بىلدىرەتىندىگىن باسا ايتتى.
ء«بىزدىڭ كەزدەسۋلەرىمىز, سەنىمگە تولى بايلانىسىمىز ۇكىمەتتەرىمىز, مينيسترلىكتەرىمىز بەن ۆەدومستۆولارىمىز اراسىنداعى قارىم-قاتىناستىڭ بارلىق سپەكتورلارىنا ىقپال ەتىپ, كومەكتەسەدى. ەگەر قىسقاشا قورىتىندى شىعارار بولساق, قازاقستان مەن قىتاي قارىم-قاتىناسى – بۇل ۇلگى بولارلىق مەملەكەتارالىق قارىم-قاتىناس. بىزدە شەشىلمەگەن ماسەلە جوق. تۋىندايتىن كەز كەلگەن ماسەلە شەشىلەدى», دەدى نۇرسۇلتان نازارباەۆ.
مەملەكەت باسشىسى قىتايدىڭ تىكەلەي شەتەل ينۆەستيتسياسى, بولىنگەن كرەديتتەر جانە بىرلەسكەن كاسىپورىندار بويىنشا قازاقستان ەكونوميكاسىنىڭ نەگىزگى سەرىكتەسى بولىپ وتىرعاندىعىن اتاپ ءوتتى. ەنەرگەتيكالىق ىنتىماقتاستىق ماسەلەلەرى تولىقتاي ءوز شەشىمىن تاپقاندىعىن ەسكە سالدى.
ء«بىزدىڭ ارامىزدا بارلىق دەڭگەيدەگى جىلى ءارى تىعىز بايلانىستار قىتايلىق-قازاقستاندىق قارىم-قاتىناستىڭ ستراتەگيالىق سيپاتىن پاش ەتەدى, ءبىز مەملەكەتتەر اراسىنداعى قارىم-قاتىناستىڭ ۇلگىسى بولامىز دەسەك تە بولادى. بايلانىستارىمىز بارىنشا تىعىز. مەنىڭ وسى جولعى ساپارىمدى تاماشا ۇيىمداستىرعانىڭىز ءۇشىن ريزاشىلىعىمدى بىلدىرەمىن. مەن بەيجىڭ سارايى قوناق ۇيىنە ورنالاسىپ, ءوزىمدى ۇيىمدەگىدەي سەزىنۋدەمىن», دەدى ءوز كەزەگىندە قىتاي توراعاسى.
ايتا كەتەرلىگى, قحر توراعاسى قازاقستانعا وسىمەن ءۇشىنشى رەت رەسمي ساپارمەن كەلىپ وتىر. ساپار اياسىندا ول ەرتەڭ شىۇ سامميتىنە, سونىمەن قاتار ەكسپو-2017 حالىقارالىق مامانداندىرىلعان كورمەسىنىڭ رەسمي اشىلۋ سالتاناتىنا قاتىساتىن بولادى.
