350 ادامعا ارنالعان ەكى قاباتتى بىرىككەن اراب امىرلىكتەرى قىزىل جارتى اي قوعامىنىڭ قولداۋىمەن سالىنعان. قازاقستان مۇسىلماندارى ءدىن ىستەرى باسقارماسىنىڭ توراعاسى, باس مۋفتي ە. مالعاجى ۇلىنىڭ بۇيرىعىمەن بۇعان دەيىن قاراقيا اۋدانىنىڭ ورتالىق مەشىتىن باسقارعان سيسەنباەۆ جەڭىس سايىن اۋىلىنداعى جاڭا مەشىتتىڭ يمامى بولىپ تاعايىندالدى.
- ءبىز رامازان ايىندا جاقسى ءىستىڭ كۋاسى بولىپ تۇرمىز. جاڭا مەشىتتىڭ اشىلۋى – ءوڭىرىمىزدىڭ ءدىن سالاسىنداعى تاعى ءبىر جاڭا پاراقتىڭ اشىلۋى. مەشىت – بىرلىك باستاۋى, ىشكى تاتۋلىق پەن ۇيلەسىمدىلىكتىڭ ورنى. مەشىت سانىنىڭ كوبەيۋى قوعامنىڭ ءدىني نەگىزىنىڭ بەكي تۇسۋىنە ىقپال ەتەدى. جاڭا مەشىت بىرلىكتى ساقتاۋعا, ۇلگىلى جاستاردى تاربيەلەۋگە ءوز ۇلەسىن قوسادى دەپ سەنەمىن. رامازان ايىنداعى ورازالارىڭىز قابىل, قۋانىشتارىڭىز قۇتتى بولسىن, اعايىن! – دەدى ماڭعىستاۋ وبلىسىنىڭ اكىمى ە.توعجانوۆ.
مەشىتتىڭ لەنتاسىن تۇپقاراعان اۋدانىنىڭ «قۇرمەتتى ازاماتى», س.شاپاعاتوۆ اۋىلى ارداگەرلەر كەڭەسىنىڭ توراعاسى يكەمباي تەرەكباي مەن ماڭعىستاۋ وبلىسى بويىنشا ارداگەرلەر كەڭەسىنىڭ توراعاسى سەرىكباي تۋلەتوۆ قيدى.
بۇل – ماڭعىستاۋ وڭىرىندەگى 29-شى مەشىت, قازىرگى تاڭدا تۇپقاراعان اۋدانىنا قاراستى اقشۇقىر اۋىلىندا تۇرعىندار ءوز كۇشىمەن مەشىت تۇرعىزۋدا.
گۇلايىم شىنتەمىرقىزى,
«ەگەمەن قازاقستان»
اقتاۋ
