قازاقستان, استانا, جاستار – بولاشاق ەنەرگياسى!

2011 جىلى 12 قىركۇيەكتە استانا قالاسىندا «بولاشاق ەنەرگياسى» جانە «EXPO-2017 كور­مە­سىنە قولداۋ كورسەت! ەلىمىزدى قولدا!» اتتى تاقىرىپتا, ەڭ ۇزدىك ۇران جانە ەسسە جازۋعا رەسپۋب­لي­كالىق بايقاۋ جاريالاندى. بايقاۋ حالىقارالىق مامان­دان­دى­رىلعان EXPO-2017 كورمەسىن وتكىزۋ قۇقىعىنا استانا قالاسىنىڭ ءوتىنىمىن جىلجىتۋ جانە ىلگەرىلەتۋ شەڭبەرىندە وتكىزىلۋدە. «بولاشاق ەنەرگياسى» بايقاۋىنىڭ ماقساتى – بالامالى ەنەرگيا كوزدەرىن دامىتۋ ماسەلەسىنە جاستاردىڭ كوڭىلىن اۋدارۋ, سونىمەن قاتار ەلىمىزدە EXPO-2017 كورمەسىن وتكىزۋ يدەياسىن كوپشىلىك اراسىندا ناسيحاتتاۋ. بايقاۋعا قازاقستاندىق مەكتەپ وقۋشىلارى مەن جوعارى وقۋ ورىندارىنىڭ ستۋ­دەنت­تەرى قاتىسا الادى (قاجەتتى اقپارات www.expo2017astana.com سايتىندا كورسە­تىلگەن). ەنەرگيا – دۇنيەجۇزىلىك ەكونوميكانىڭ كوكەي­كەس­تى ماسەلەلەرىنىڭ ءبىرى. سوڭعى كەزدەرى, بالامالى ەنەر­گيا كوزدەرى الەمدىك دەڭگەيدە تالقىلانىپ, عالامدىق ماڭىزعا يە بولۋدا. ونىڭ باستى ارتىقشىلىعى – سارقىلماستىعى مەن ەكولوگيالىق تازالىعى. اتموس­فە­راعا ۇلكەن كولەمدە زياندى گازداردىڭ بولىنۋىنە الىپ كەلەتىن مۇناي جانە باسقا دا قورلاردى ءوڭ­دەۋ­مەن سالىستىرعاندا, بالامالى ەنەرگيا كوزدەرىن پايدالانۋ عالامشاردىڭ ەنەرگەتيكالىق قالپىن وزگەرت­پەيدى. ءدال وسى قاسيەتتەر, جاڭارتىلعان ەنەرگيا كوزدەرىنىڭ شەتەلدە شالقىپ وركەندەۋىنىڭ جانە جاقىن ونجىلدىقتا وپتيميستىك بولجامنىڭ قالىپ­تا­سۋىنا ۇيىتقى بولدى. ۇستىمىزدەگى جىلدىڭ ماۋسىم ايىندا, ەلىمىز حالىقارالىق مامانداندىرىلعان EXPO-2017 كور­مە­سىن استانادا وتكىزۋ ءوتىنىمىن رەسمي تۇردە ۇسىندى. كورمە تاقىرىبى – «بولاشاق ەنەرگياسى» – وزەك­تى دە ماڭىزدى ەكەنى راس. ءبىز, جاس جانە قارقىندى دا­مۋشى, سونىمەن قاتار پايدالى قازبالارعا باي مەملەكەت رەتىندە بالامالى ەنەرگيا كوزدەرىن بولاشاق ۇرپاق ءۇشىن دامىتۋدامىز. ەلىمىزدە ەحرو-2017 كو­ر­مە­سىن وتكىزۋ يدەياسىن قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆ ۇسىنعان ەدى. وسىناۋ جوعارى دەڭگەيدەگى كورمە ەڭ ۇزدىك الەم­دىك ەنەرگيا ساقتاۋ تەحنولوگيالارىن, كۇن, جەل, تەڭىز, مۇحيت جانە جىلى سۋلار ەنەرگياسى سياقتى بۇرىن­نان بار بالامالى ەنەرگيا كوزدەرىن قولدانۋ ءورىسىن­دەگى جاڭا جەتىستىكتەردى كەڭىنەن تانىتۋعا مۇمكىندىك بەرەدى... اتالمىش باستاما, قازاقستاننىڭ دۇنيەجۇزىلىك قاۋىمداستىق الدىنداعى بەدەلىن ارتتىرىپ قانا قوي­ماي, ەلىمىزدى جاڭا دامۋ دەڭگەيىنە كوتەرەدى. ءاربىر قازاقستاندىق EXPO-2017 حالىقارالىق كور­مە­سىنىڭ وتكىزىلۋىنە قاتىستى بولادى. بۇل اۋقىمدى دا ايگىلى ۇلتتىق جوباعا اينالاتىنى ءسوزسىز! ەلىمىزدىڭ تابيعي قورلارعا باي بولعانىنا قارا­ماس­تان, بالامالى ەنەرگيا كوزدەرىن دامىتۋ باسىم با­­عىت­تاردىڭ بىرىنە جاتادى. قازاقستاندىق جاڭار­تى­لا­تىن جەل, كۇن, ەنەرگيا مۇمكىندىكتەرى شەكسىز. جا­قىن بولا­شاقتا بالامالى ەنەرگيا كوزدەرى ەلىمىزدىڭ ەكولو­گيا­لىق تازا قارجى كوزىنە اينالۋى ابدەن مۇمكىن. ەنەرگيا – بولاشاققا بارار جول. بولاشاق ەنەرگياسىنا جالعىز عانا بالامالى ەنەرگيا سالاسىنداعى ال­­­­­دىڭعى قاتارلى تەحنولوگيالار جاتپايدى, بولا­­­­شاق ەنەرگياسى – بۇل جەت­كىن­شەك­تەردىڭ جاسامپاز ويلارى. اركەزدە دە ىلگەرىلەۋ قوزعالتقىشى جاستار بولدى جانە بولا دا بەرەدى. بايقاۋدى ۇيىم­داس­تى­رۋشى – قازاقستان رەس­­پۋب­ليكاسىنىڭ ەكونو­­مي­­­­­كالىق دامۋ جانە ساۋدا مينيسترلىگىنىڭ اي­تۋى­­نا قاراعاندا, وسى بايقاۋ جاڭا يدەيالاردى تارتۋ­­­­دىڭ جاقسى ءمۇم­­كىندىگى بو­لىپ تابىلادى. جاس ۇر­پاقتىڭ بولاشاق ەنەر­گياسى تۋرالى پىكىرلەرى قىزىقتىرادى. سو­نىمەن قاتار جاستاردىڭ ەل بو­لاشاعىن قالىپت­ا­س­تىرۋ­شى ازاماتتار رەتىن­دە, ءححى عاسىرداعى بالا­­ما­لى ەنەرگيانىڭ دامۋ با­عىتىن قالاي تۇسىنە­تى­نى جانە ولاردىڭ اتالعان سا­لاداعى قازاقستاننىڭ كەلەشەگى تۋرالى ويلا­­­رىن بىلسەك دەگەن وي بار. بايقاۋعا قاتىسۋ­شى­لارعا ۇران ويلاپ تاۋىپ, «بولاشاق ەنەرگياسى» تا­قىرىبىنا ەسسە جازۋ ۇسىنىلادى. قيالداۋعا شەكتەۋ قويىلمايدى. جالعىز شەكتەۋ – ول جاس شاماسى: بايقاۋعا قازاقستان رەسپۋبليكاسىنىڭ 15 پەن 25 جاس ارالىعىنداعى مەكتەپ وقۋشىلارى مەن جوعارى وقۋ ورىندارىنىڭ ستۋدەنتتەرى قاتىسا الادى. اعىمداعى جىلدىڭ جەلتوقسان ايىندا بايقاۋ قورىتىندىسى شاعارىلادى, استانادا ءباسپاسوز ءماس­ليحاتى ۇيىمداستىرىلىپ, جەڭىمپازدارعا ارنايى سىي­­­لىقتار تارتۋ ەتىلەتىن بولادى. جۇلدەگەر باسقا قالادا تۇراتىن جاعدايدا, ونىڭ ەلورداعا كەلۋىن ءجا­نە وسىندا تۇرۋىن ۇيىمداستىرۋشىلار قامت­ا­ما­­سىز ەتەدى. داۋىس بەرۋ ناتيجەسىندە 20 جۇمىس تاڭدالىپ, سىيلىقتارمەن ماراپاتتالادى جانە سول جۇمىستار www.expo2017astana.com سايتىندا جارىق كورەدى. ءبىرىنشى ورىنعا يە بولعان ادامدى نەتبۋك كۇتۋدە. قازاقستان رەسپۋبليكاسىنىڭ ەكونوميكالىق دامۋ جانە ساۋدا مينيسترلىگى ساۋدا كوميتەتىنىڭ ءتور­اع­ا­سى جانە ادىلقازىلار القاسىنىڭ مۇشەسى ايدار قا­­زىباەۆتىڭ ايتۋى بويىنشا, «بولاشاق ەنەرگياسى» جانە «EXPO-2017 كورمەسىنە قولداۋ كورسەت! ەلىمىزدى قولدا!» اتتى بايقاۋدان ءبىز جاستاردىڭ جاڭاشىلدىق پەن جاسامپازدىق ىزدەنىسى جانە كرەاتيۆتى ويلارى كۇتىلەدى. «بولاشاق ەنەرگياسى» تاقىرىبى بۇكىل ادامزاتقا ورتاق بولىپ, ەنەرگيانىڭ جەتىسپەۋشىلىگى مەن عالامدىق ماسەلەلەردىڭ شەشىلۋىنە ىقپال ەتەتىندىگىنە تولىق سەنىمدەمىز. «قازاقستاننىڭ ەنەرگەتيكالىق ساياساتىن قالىپ­تاس­تىرۋعا جاستار بەلسەنە قاتىسادى دەگەن ۇمىتتە­مىز», – دەپ اتاپ ءوتتى ادىلقازىلار القاسىنىڭ مۇشەسى, قازاق­ستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ ەنەرگەتيكانى دامىتۋ جانە كومىر ونەركاسىبى دەپارتامەنتىنىڭ باستىعى ۆلاديمير كلياكين. ەڭ ۇزدىك ۇران مەن ەسسە سايىسى ەنەرگيا ساقتاۋ سا­لا­سىنداعى يننوۆاتسيالىق جوبالار­دىڭ ىسكە اسۋىنا تۇرتكى بولادى. ال قازىرگى زامانعى وزىق ويلار, ەنەرگيانى تۇراقتى پايدالانۋعا كوشۋ­دىڭ جولىن اشادى». ۇيىمداستىرۋشىلار جاسامپاز جاستاردى سايىس­قا بەلسەندى قاتىسۋعا, قازاقستان رەسپۋبليكاسى پرە­زيدەنتىنىڭ EXPO-2017 كورمەسىن وتكىزۋ باستاماسى مەن ەلىمىزدى قولداۋعا جانە بالامالى ەنەرگيا كوز­دەرىنىڭ دامۋىنا ءوز ۇلەستەرىن قوسۋعا شاقىرادى. قازاقستان, استانا, جاستار – ءبىز بولاشاق ەنەرگياسى!