2017 جىلعى قىسقى ۋنيۆەرسيادا جارىستارى سپورتتىڭ 12 ءتۇرى بويىنشا وتەدى.
ولاردىڭ اراسىندا مىنالار بار: – بياتلون; – تاۋ شاڭعىسى; – كيورلينگ; – كونكيمەن جارىسۋ; – شاڭعى قوسسايىسى; – شاڭعى جارىسى; – شاڭعىمەن ترامپليننەن سەكىرۋ; – سنوۋبورد; – مانەرلەپ سىرعاناۋ; – فريستايل; – شايبالى حوككەي; – شورت-ترەك.سايىستار قايدا وتەدى؟
ۋنيۆەرسيادا باعدارلاماسىنا ەنگەن جارىستار 8 سپورت نىسانىندا وتەدى: – «شىمبۇلاق» تاۋ شاڭعىسى كۋرورتى; – «مەدەۋ» مۇز ايدىنى; – «سۇڭقار» حالىقارالىق شاڭعى ءترامپلينى كەشەنى; – بالۋان شولاق اتىنداعى سپورت سارايى; – «الاتاۋ» شاڭعى جانە بياتلون كەشەنى; – «تاباعان» سپورتتىق ويىن-ساۋىق كەشەنى; – «الماتى-ارەنا» سپورت سارايى; – «حالىق-ارەنا» سپورت سارايى. ۋنيۆەرسيادا جارىستارى وينالاتىن 8 نىساننىڭ ەكەۋى – «الماتى-ارەنا» مەن «حالىق-ارەنا» ۋنيۆەرسيادا ويىندارى ءۇشىن ارنايى سالىندى. بۇعان قوسا, قىسقى ۋنيۆەرسيادا تاريحىندا العاش رەت اتلەتتەر قالاشىعى قاتارعا قوسىلدى. بارلىق جاڭا نىسانداردىڭ قۇرىلىستارى الدىن الا بەلگىلەنگەن مەرزىمىنەن ەكى اي بۇرىن اياقتالىپ, پايدالانۋعا بەرىلدى.دەرەك پەن دايەك
* قىسقى ۋنيۆەرسياداعا 64 ەلدەن 2 000 سپورتشى كەلەدى دەپ كۇتىلىپ وتىر. * ستۋدەنتتەر ويىندارىنا قىزمەت كورسەتۋ ءۇشىن ەلىمىزدىڭ بارلىق ايماقتارى مەن شەت ەلدەردەن 3 000 ەرىكتى كومەككە كەلەدى. * ويىندارداعى سايىستاردى تاماشالاۋعا شەت ەلدەردەن 30 مىڭ قوناق كەلەتىن بولىپ وتىر. * ۋنيۆەرسيادا جارىستارى الەمنىڭ 80 ەلىنە كورسەتىلەدى. ولاردى بۇل ەلدەردە 1 ميللياردتان استام ادام قىزىقتايدى. * ۋنيۆەرسيادانىڭ بيۋدجەتى 17 ملرد تەڭگەنى قۇرايدى. * دۇنيەجۇزىلىك قىسقى ۋنيۆەرسيادانى وتكىزۋ جونىندەگى ۇيىمداستىرۋ كوميتەتىن قازاقستان پرەمەر-ءمينيسترىنىڭ ورىنباسارى يمانعالي تاسماعانبەتوۆ باسقارادى. * ۋنيۆەرسيادانى قازاقستاندا وتكىزۋدىڭ باستاماشىلىعىن حالىقارالىق ستۋدەنتتىك سپورت فەدەراتسياسىنىڭ (FISU) مۇشەسى رەتىندە قازاقستان ستۋدەنتتىك سپورت فەدەراتسياسى اتقاردى. قازاقستان ۇلتتىق فەدەراتسياسىن پروفەسسور قايرات زاكيريانوۆ باسقارادى. * الماتى قالاسىندا ۋنيۆەرسيادانى وتكىزۋ جونىندەگى ديرەكتسيا قۇرىلدى. ونىڭ باسشىسى بولىپ نايل نۋروۆ تاعايىندالدى.
