گراۆيۋرالار قىتاي مادەنيەتىنەن سىر شەرتەدى

پرەزيدەنتتىك مادەنيەت ورتا­لى­عى­­­نىڭ كورمە زالىندا ءداستۇرلى قىتاي گراۆ­يۋ­راسى كورمەسىنىڭ اشىلۋى ءوتتى. وعان ءما­دەنيەت ۆيتسە-ءمينيسترى اسقار بورىباەۆ, پرەزيدەنتتىك مادەنيەت ورتا­لىعىنىڭ دي­­رەكتورى, پروفەسسور مىر­زاتاي جولداسبەكوۆ, قىتاي حالىق رەسپۋبلي­كا­سىنىڭ ەلىمىزدەگى توتەنشە جانە وكىلەتتى ەلشىسى چجوۋ لي, سونداي-اق كورمەنى تا­ماشا­لاۋ­عا كەلگەن جالپى جۇرتشىلىق قاتىستى. پرەزيدەنتتىك مادەنيەت ورتالى­عى­­نىڭ ۇيىتقى بولۋىمەن ۇيىمداس­تى­رىل­عان بۇل كورمەگە قىتاي حالقىنىڭ باي­لىعى مەن داستۇرلىك تەرەڭدىگىن كورسە­تە­تىن نيانحۋا گراۆيۋرالارىنىڭ جۇزگە جۋىق ءتۇرى قويىلعان. ولاردىڭ ىشىندە – «پەرزەنتتىك پارىزدىڭ ورىندالۋى», «ۇل­­­ ­بالانىڭ 24 ءىسى», «ون كەمشىلىك», «جاۋ­ىزدىڭ كارتاسى» سىندى ءدۇ­نيەلەر بار. مازمۇنىنا قا­­راي گراۆيۋرالار (نيا­ن­­حۋا­لار) تاقى­رىپ­تىق توپتارعا ءبولى­نە­دى. ءبىر توبىن ادەبي شىعار­­مالاردىڭ, اڭ­ىز-ميف سيۋجەت­تەرى­نىڭ كارتي­نالارى مەن تەاترال­­دىق نيانحۋالار قۇ­را­سا, ەندى ءبىرىن ءدىني جانە سيم­ۆولدىق ىزگى-تىلەكتەر جازىل­عان سيۋ­جەتتەر تولىق­تى­را­دى. سون­داي-اق, تۇر­مىستىق ماز­مۇن­دا­عى وسيەتتەرگە قۇ­رىل­عان نيانحۋالار مەن پەيزاجدىق ءجا­نە ساندىك كارتينالار تاقىرىپتى اشا تۇسكەندەي. قىتايدا جاڭا جىل ورتا عاسىر­لاردان باستاپ كەڭىنەن اتالىپ جۇرگەن ەڭ سۇيىكتى مەرەكە بولىپ سانالادى. مەرەكە قارساڭىندا ۇيلەر ءتۇرلى تاقىرىپتاعى كارتينالارمەن بەزەندىرىلەدى ەكەن. الاي­دا ولاردىڭ باستاپقى ماعىناسى ىزگى تىلەك تىلەۋ-ءتىن. سوندىقتان دا گراۆيۋ­را­نىڭ بۇل ەرەكشە جانرى «جاڭا جىلدىق كارتينالار» دەگەن اتاۋعا يە بولىپتى. ءبىر ايتا كەتەتىن جايت, گراۆيۋرا جا­سايتىندار ءوز شەبەرلىكتەرىن اتادان با­لا­عا, ءبىر بۋىننان ەكىنشىسىنە بەرە وتى­رىپ, ۇنەمى جەتىلدىرىپ وتىرعان. قىتاي گراۆيۋرالارىمەن جاقىنىراق تانىسامىن دەگەن الەۋمەت كورمەنى 25 قىركۇيەككە دەيىن كەلىپ تاماشالاي الادى. ءابدىراحمان قىدىربەك, سۋرەتتەردى تۇسىرگەن اعىباي اياپبەرگەنوۆ.