ن.نازارباەۆ: كەڭەس وداعىنىڭ قۇلاۋى تابيعي پروتسەسس ەدى

كەڭەس وداعىنىڭ ىدىراۋى تابيعي پروتسەسس بولدى دەدى مەملەكەت باسشىسى نۇرسۇلتان نازارباەۆ «روسسيا 24» تەلەارناسىنا بەرگەن سۇحباتىندا. «وتكەنىمىزدىڭ جاقسى نەمەسە جامان بولۋى  - تاريح ەنشىسىندە. تاريحتى قايتا جاساي المايسىڭ جانە "ەگەر بىلاي بولعاندا" دەپ سويلەۋ دە بۇل رەتتە ورىنسىز. مەن ادامداردىڭ بارلىق تالقىلاۋلارىن وقيمىن, ەستيمىن. ماعان ءار ۋاقىتتا دا وسى ساۋالدى قوياتىن سەبەبىن دە تۇسىنەمىن. مەن سول ۋاقىتتاعى داۋىلدىڭ ورتاسىندا قالدىم دەسەم دە بولادى. بارلىعىن ءوز كوزىممەن كوردىم, سەزىندىم. ارينە, ۋايىمدادىم دا. ەگەر ەستەرىڭىزدە بولسا, وسىناۋ بۋىرقانعان پىكىرتالاستار سوڭعى جىلدارى حالىق دەپۋتاتتارى سەزىندە ءجۇرىپ جاتقان كەزدە ورتالىق ازيا مەن قازاقستاننىڭ دەپۋتتارى رەفورمالار مەن كەڭەس وداعىن ساقتاپ قالۋ جاعىندا بولعان ەدى. وسىلاي بولدى, ويتكەنى قارىم-قاتىناس سونداي ەدى. ءتۇرلى جورامالدار جاساۋعا بولادى. بىراق وداقتىڭ ىدىراۋى تابيعي پروتسەسس», - دەدى نازارباەۆ. مەملەكەت باسشىسى باسەكەلەستىككە شىداي المايتىن كومپانيالاردىڭ بارىنشا تابىستى كومپانيالارعا جۇتىلىپ كەتەتىندىگىن مىسالعا كەلتىردى. ەلباسى اتاپ وتكەندەي, كەڭەس وداعى بارلىق سوعىستاردا جەڭىسكە جەتكەنىمەن, جاھاندىق ەكونوميكا جارىسىندا ونىڭ ەكونوميكالىق رەسۋرستارى جەتىسپەدى جانە سونىڭ سالدارىنان كسرو-نىڭ ساياسي جاعدايى جەڭىلىسكە ۇشىرادى.