بيىل 3-4 جەلتوقساندا قازاقستان رەسپۋبليكاسى مەملەكەتتىك ورتالىق مۋزەيى مەن «باقىت» ساندىك-قولدانبالى ونەر ورتالىعى ءداستۇرلى «شىعىس بازارى» اتتى ورتالىق-ازيالىق قولونەر كورمە-جارمەڭكەسىن وتكىزەدى.
ورتالىق ازيا ەلدەرى قولونەرشىلەرىنىڭ كورمە-جارمەڭكەسى جىل سايىن تاۋەلسىزدىك كۇنى مەن جاڭا جىل قارساڭىندا وتكىزىلىپ كەلەدى.
قازاقستان, قىرعىزستان, وزبەكستان, تاجىكستان, تۇركىمەنستان جانە رەسەي ەلدەرىنەن كەلگەن قولونەر شەبەرلەرى الماتى تۇرعىندارى مەن قوناقتارىنا وزدەرىنىڭ تۋىندىلارىن ۇسىنادى.
ولار – جىبەك ماتادان تىگىلگەن كيىمدەر, قولدان توقىلعان بوكەبايلار, اعاشتان, مەتالدان ويىپ جاسالعان كادەسىيلار مەن تۇرمىستىق زاتتار, جىبەك جىپتەرمەن توقىلعان كەستەلەر, ريشتان قىشتارى, زەرگەرلىك اشەكەي بۇيىمدار, كىلەمدەر, ۇلتتىق كيىمدەر جانە تاعى دا باسقا كوپتەگەن قولونەر بۇيىمدارى.
بۇل كۇندەرى سونداي-اق, قازاقستاندىق بەلگىلى سۋرەتشى گۇلنار ومىربەكوۆانىڭ جىبەككە ورنەك سالۋ ءادىس-تاسىلىنەن وتكىزەتىن شەبەرلىك-ساباققا قاتىسىپ, ساندىك-قولدانبالى ونەردىڭ اتالعان ءتۇرىن مەڭگەرە الادى.
