مما ارالاس جەكپە-جەگىنەن الەم چەمپيوناتى اياقتالدى

قىتايدىڭ ماكاو قالاسىندا مما ارالاس جەكپە-جەگىنەن الەم چەمپيوناتى اياقتالدى. وعان بارلىعى 58 ەلدىڭ سپورتشىلارى قاتىستى. فينالدا ەكى قازاقستاندىق سپورتشى رەسەيلىك قارسىلاستارىمەن كەزدەستى. 77,1 كەلىگە دەيىنگى ورتاشا سالماقتا گويتي دازاەۆ اليبەگ راسۋلوۆقا ەسە جىبەرىپ, الەم چەمپيوناتىنىڭ كۇمىس جۇلدەگەرى اتاندى. اۋىر سالماقتاعى ءالىمجان سۇلەيمەنوۆ حالىقارالىق ارەناعا العاش رەت شىعىپ وتىر. اقتىق سىندا ول اميرحان يساگادجيەۆكە جول بەردى. قازاقستان جالپىكوماندالىق ەسەپتە رەسەي قۇراماسىنا عانا جول بەرىپ, ەكىنشى ورىنعا جايعاستى. ال رەسەيلىكتەر جەتى سالماق دارەجەسىندەگى التىنداردىڭ بارلىعىنا يە بولدى. الەم چەمپيوناتىنىڭ قورىتىندىسى بويىنشا قازاقستان قورجىنىندا: 2 كۇمىس بار – گويتي دازاەۆ (77,1), ءالىمجان سۇلەيمەنوۆ (+93 كگ) جانە 4 قولا مەدال – ميرات بەكىشەۆ (61,2 كگ), التىنبەك باقتىگەلدينوۆ (70,3 كگ), مۋراد ابدۋراحمانوۆ (84 كگ) جانە ەركىنبەك ءىنجىل (93 كگ). قازاقستان مما فەدەراتسياسىنىڭ حابارلاۋىنشا, بۇل جولعى سايىسقا تولىق قايتا جاساقتالعان قۇراما اتتانعان.