الماتىدا وتاندىق ءونىم جارمەڭكەسى ءوتتى

الماتىدا قازاقستان ايماقتارىنان كەلگەن وتاندىق اۋىلشارۋاشىلىق تاۋارىن وندىرۋشىلەردىڭ كەڭەيتىلگەن جارمەڭكە ناۋقانى اياقتالدى, دەپ حابارلادى قالا اكىمدىگىنىڭ ءباسپاسوز قىزمەتى. 2016 جىلدىڭ باسىنان بەرى الماتى, جامبىل, وڭتۇستىك قازاقستان, شىعىس قازاقستان وبلىستارىنىڭ 10 كەڭەيتىلگەن جارمەڭكەسى ءوتتى. ايماقتار جالپى قۇنى 1,2 ميلليارد تەڭگە بولاتىن ەت, جەمىس-جيدەك, كوكونىس, ءسۇت ونىمدەرىن جەتكىزدى. ونداعى ازىق-ت ۇلىك باعاسى ورتاشا نارىق باعاسىنان 15-20% ارزان بولعانىن اتاپ وتكەن ءجون. ودان بولەك, ايماقارالىق كووپەراتسيا اياسىندا 2016 جىلدىڭ باسىنان بەرى الماتى قالاسى 8 وبلىسپەن (شقو, بقو, وقو, قاراعاندى, پاۆلودار, اقتوبە, الماتى, جامبىل وبلىستارى) 10 كەزدەسۋ وتكىزدى. كەزدەسۋلەردىڭ ناتيجەسىندە قازاقستان وبلىستارىنىڭ 30-دان استام تاۋار وندىرۋشىلەرى الماتىنىڭ 6 ساۋدا جەلىسىمەن (Small, Carrefour, ماگنۋم, Galmart, مەترو, بەككەر ي ك) كەلىسىمگە قول قويدى. بۇل كەزدەسۋلەر يمپورتتى الماستىرۋعا, ءونىمدى تىكەلەي جەتكىزۋ ارقىلى ازىق-ت ۇلىك تاۋارلارىنىڭ باعاسىن تومەندەتۋگە مۇمكىندىك بەردى.