كۋبادا ازالى كۇن جاريالاندى

كۋبا ۇكىمەتىنىڭ وكىمىمەن ەل حالقى كۋبالىق رەۆوليۋتسيا كوشباسشىسى فيدەل كاسترونىڭ قايتىس بولۋىنا بايلانىستى توعىز كۇن بويى ازا تۇتادى, دەپ حابارلادى فرانس پرەسس اگەنتتىگى. ازا تۇتۋ سەنبىدە باستالىپ,  4 جەلتوقسان, جەكسەنبى كۇنى اياقتالادى, دەپ جازدى ريا نوۆوستي. كۋبا رەۆوليۋتسياسىنىڭ كوشباسشىسى جۇما كۇنى 90 جاسىندا جەرگىلىكتى ۋاقىت 22. 29-دا ومىردەن وزدى. بۇل تۋرالى ونىڭ ءىنىسى كۋبالىق ليدەر راۋل كاسترو مەملەكەتتىك تەلەارنا ارقىلى جاريا ەتتى. فيدەل - كۋبالىق رەۆوليۋتسيونەر, مەملەكەتتىك جانە ساياسي قايراتكەر. 1926 جىلى 13 تامىزدا دۇنيەگە كەلگەن. 1976 جىلدىڭ جەلتوقسان ايىنان باستاپ, 30 جىل بويى كۋبا مەملەكەتتىك كەڭەسى مەن مينيسترلەر كەڭەسىنىڭ توراعاسى بولدى. سونىمەن بىرگە, ف.كاسترو رەۆوليۋتسيالىق قارۋلى كۇشتەردىڭ باس قولباسشىسى جانە ۇلتتىق قورعانىس كەڭەسىنىڭ توراعاسى  قىزمەتىن اتقارعان. ول 2006 جىلى 31 شىلدەدە دەنساۋلىعىنىڭ سىر بەرۋىنە بايلانىستى ءوز مىندەتىن — مەملەكەتتىك كەڭەس پەن مينيسترلەر كەڭەسىنىڭ باسشىسى قىزمەتىن  ىنىسى راۋل كاستروعا تاپسىردى.