قۇندى قۇجاتتار سويلەيدى

«تاۋەلسىزدىك تۋى استىندا». كەشە سىرتقى ىستەر مينيسترلىگىندە تاۋەلسىزدىكتىڭ 25 جىلدىق مەرەيتويىنا وراي اشىلعان تاريحي-دەرەكتى كورمە وسىلاي دەپ اتالادى. ونىڭ وتۋىنە سىرتقى ساياسات ۆەدومستۆوسى مەن قازاقستان رەسپۋبليكاسى پرەزيدەنتىنىڭ مۇراعاتى ۇيىتقى بولدى. ءىس-شارانىڭ اشىلۋىنان كەيىن باق وكىلدەرىنە ارنالعان بري­فينگتە سىرتقى ىستەر ءمينيسترىنىڭ ورىنباسارى رومان ۆاسيلەنكو شيرەك عاسىر ىشىندە قازاقستاننىڭ مەملەكەت رەتىندەگى قالىپتاسۋ كەزەڭدەرىن, قول جەتكىزگەن جەتىستىك­تەرىن ايقىندايتىن قۇندى قۇجاتتار مەن فوتوسۋرەتتەر قويىلعان كور­مەنىڭ ماڭىزىن اتاپ ءوتتى. سون­داي-اق, ول: «بۇل رەتتە, مەن ەڭ الدى­مەن, قازاقستان رەسپۋبليكاسى پرەزيدەنتى مۇراعاتىنىڭ ديرەك­تورى بوريس جاپاروۆقا, مۇراعات قىز­مەتكەرلەرىنە وسىنداي يگى شارانى وتكىزۋ ءۇشىن ۇلكەن نيەتتەس­تىك تانىتقانى, جۇرت نازارىنا ۇسى­نىلعان قۇجاتتار توڭىرەگىندە ۇلكەن زەرتتەۋ جۇمىس­تارىن جۇرگىزگەنى ءۇشىن ريزاشى­لىعىمدى بىلدىرگىم كەلەدى», – دەدى. بوريس جاپاروۆ تاۋەلسىزدىك جىلدارى مەملەكەت الدىنا ۇلكەن مىندەتتەر قويىلعانىن, ول مىندەتتەردى شەشۋ, ەكونوميكانى تۇراقتاندىرۋ, العا قاراي دامىتۋ ناقتى دەموكراتيا مەن نارىقتىق قاتىناستارعا نەگىزدەلۋىمەن ەرەكشە­لەنگەنىن جەتكىزدى. «قازاقستان ءوز تاۋەلسىزدىگىن جاريالاعان كۇننەن باستاپ, حالىقارالىق ۇيىمدارعا ءوز ەركىمەن مۇشە بولۋ مۇمكىندىگىن الدى. 1992 جىلدىڭ 30 قاڭتارىندا ەۋروپاداعى قاۋىپسىزدىك جانە ىنتى­ماقتاستىق ۇيىمىنا مۇشە­لىككە ءوتتى. ال 1992 جىلدىڭ 2 ناۋرى­زىندا ەلىمىز بۇۇ-نىڭ تولىق­قاندى مۇشەسى بولدى. 1993 جىل­دىڭ قازان ايىندا قازاقستان ەكو­نو­ميكالىق ىنتىماقتاستىق ۇيى­مىنا, 1994 جىلدىڭ 24 مامىرىن­دا ارنايى قۇجاتقا قول قويا وتى­رىپ, ناتو-نىڭ «بەيبىتشىلىك جونىندەگى ارىپتەستىگى» ۇيىمىنىڭ 19-شى مۇشەسى بولدى. جالپى, XX عاسىردىڭ سوڭىنداعى تاريحي كەزەڭدە قازاقستان ادامزاتتىڭ, جالپى دۇنيەنىڭ قاسىرەتىنە اي­نال­عان سەمەي يادرولىق سىناق الاڭ­دارىن جابۋ, كەڭەس وداعىنىڭ ەن­شى­سىنەن وتكەن يادرولىق قارۋلار مەن ونىڭ جەتكىزۋ قۇرالدارىنان ءوز ەركىمەن باس تارتۋ ارقىلى الەمگە بەيبىتسۇيگىش مەملەكەت رەتىندە تانىلدى», – دەدى بوريس جاپاروۆ. سونىمەن قاتار, ول ەلىمىزدىڭ دەربەس مەملەكەت رەتىندە قالىپتاسۋى مەن حالىقارالىق قاۋىمداستىقتا جەتكەن جەتىستەرىنىڭ تاريحى قازاق­ستان رەسپۋبليكاسى پرەزيدەنتى مۇرا­عاتىنىڭ قور­لارىندا ساقتال­عان قۇجاتتاردا تولىقتاي كور­سەتىل­گەنىن ايتتى. «وندا رەسمي-حرو­­نيكالىق قۇجاتتارمەن قاتار, ساياسي جانە قوعامدىق ۇيىمداردىڭ ماتەريالدارى, تاۋەلسىزدىك كەزەڭى­نىڭ مەرزىمدى باسىلىمدارى دا بار. سىزدەردىڭ نازارلارىڭىزعا «تاۋەل­سىزدىك تۋى استىندا» دەگەن تاقىرىپپەن ۇسىنىلىپ وتىر­عان كورمەدە تاۋەلسىزدىك العان جىلدار­دان باستاۋ الاتىن مەملەكەت­تىلىك­تىڭ قالىپتاسۋ تاريحىن تولىق اشىپ كورسەتەتىن قۇجاتتار ورنالاس­تىرىل­دى», – دەدى ول ءوز سوزىندە. ال پارلامەنت ءماجىلىسىنىڭ دەپۋ­تاتى مۇحتار ەرمان: «بۇل – بىرە­گەي قۇجاتتاردىڭ كورمەسى. ءار قۇجات­تىڭ ورنى بولەك. سەبەبى, ولاردىڭ ارقايسىسىنىڭ ارتىندا ەلىمىز بەن قوعامىمىزدىڭ دامۋى, ءوسۋى, قازاق ديپلوماتياسىنىڭ سىرت­قى الەمدەگى ورنى مەن ءرولى تۇر. ەن­دەشە, مۇنداي قۇندى دۇنيەلەردىڭ جۇرت­شىلىققا بەرەر تاعىلىمى دا وراسان بولادى دەپ ويلايمىن», – دەدى. كورمە 5 بولىكتەن تۇرادى. ولار­دا قازاقستاننىڭ مەملەكەتتىك نىشان­دارى, قازاقستاننىڭ تۇڭعىش پرەزي­دەنتى, ەل پارلامەنتى, ۇكى­مەتى, ۇلتتىق ۆاليۋتانىڭ اينا­لىم­عا ەنۋى, قازاقستان حالقى اسسام­ب­­لەياسىنىڭ, سىرتقى ساياسي ۆەدوم­ستۆونىڭ قۇرىلۋى, ديپلو­ما­تيا­لىق بايلانىستاردىڭ ور­ناۋى, قازاقستاننىڭ بۇۇ-عا قابىل­­دانۋى, سونداي-اق, ەلىمىزدىڭ شەت مەم­لە­كەتتەرمەن ساياسي-ەكونومي­كالىق بايلانىس ورناتۋى تۋرالى قۇندى ماتەريالدار, قازاقستان پرەزي­دەنتىنىڭ ءتۇرلى شەتەلدىك ارىپتەس­تەرىمەن سۇحباتتارى جانە حالىق­ارالىق جيىنداردا جاساعان بايان­دامالارى, پرەزيدەنت جارلىقتارى, شەت مەملەكەت باسشىلارىنىڭ ەلى­مىز­دى تاۋەلسىز مەملەكەت رەتىندە تانۋى تۋرالى حاتتارى قويىلعان. ءلايلا ەدىلقىزى, «ەگەمەن قازاقستان» سۋرەتتى تۇسىرگەن ورىنباي بالمۇرات, «ەگەمەن قازاقستان»