پاتريوتتىق اكتسيا ءوتتى

شىعىس وڭىرىندە ەل تاۋەلسىزدىگىنىڭ 25 جىلدىعىنا ارنالعان «مەنىڭ ەلىم – ماڭگىلىك ەل» رەسپۋبليكالىق جاستار اكتسياسى ءوتتى. قازاقستان حالقى اسسامبلەياسى ولگا رىپاكوۆا اتىنداعى جەڭىل اتلەتيكالىق كەشەنىندە ۇيىمداستىرعان شاراعا وڭىرلىك ەتنومادەني بىرلەستىكتەر وكىلدەرى, قوعام قايراتكەرلەرى, جاستار ۇيىمدارىنىڭ جەتەكشىلەرى, مەكتەپ, كوللەدج جانە جوعارى وقۋ ورىندارىنىڭ ستۋدەنتتەرى قاتىستى. اكتسيانىڭ باستى ماقساتى – ءتاۋ­­ەلسىزدىك جىلدارى ىشىندە مەم­­لە­­ك­ەتىمىزدىڭ قول جەتكىزگەن جەت­ىس­­­تىكتەرىن پاش ەتىپ, كوپۇلتتى حا­­ل­­­­- قىمىزدىڭ دوستىعىن ودان ءارى نى­­­عايتۋعا ءۇن قوسۋ, اسىرەسە, جاس­تار اراسىندا مەملەكەتىمىزدىڭ نە­­­گىزگى قۇندىلىقتارىن كەڭىنەن نا­­سيحاتتاۋ. – مەن ءۇشىن بۇگىنگى وتكەن شا­را­نىڭ الار ورنى ەرەكشە. سە­بەبى, ەلى­مىزدىڭ ءوسىپ-وركەندەۋى مەنىڭ ءجا­نە مەن قاتارلى ءتاۋ­ە­ل­سىزدىك قۇر­داس­تارىنىڭ ءبىر­دەن-ءبىر مىندەتى دەپ ەسەپ­تەيمىن. قا­­زاقستان جاستارىنىڭ رەس­پۋب­ليكالىق اكتسيانىڭ نىشا­نى­نا كىتاپتى تاڭداپ الۋى كەز­­دەي­سوق ەمەس. «ماڭگىلىك ەل» كى­تا­بى ەل جاستارىنىڭ تاۋەلسىزدىك جىل­­­دارىنداعى جە­تىس­تىكتەرىنىڭ جىل­­ناماسى, وعان ءتاۋ­ەلسىز­دى­گى­مىز­دىڭ قۇر­­داستارى – جاس­تاردىڭ ءتى­­­لەگى, جە­­تىستىكتەرى, ءبى­لىمى مەن ءتا­جى­ريبەسى جا­زىلىپ, 1 جەل­توقسان كۇ­­نى اس­تا­نا قالاسىندا ەل­باسىنا تا­بىس ەتى­لەدى, – دەگەن ىزگى تىلەگىن جەت­كىزدى ءتاۋ­ەلسىزدىكتىڭ قۇر­دا­سى اسەل ال­تىن­بەكقىزى. پاۆلودار قالاسىنىڭ جاستارى «ماڭگىلىك ەل» جاستارىنىڭ جە­­تىس­تىكتەرى – قازاقستان رەس­پۋب­­لي­كاسى تاۋەلسىزدىگىنىڭ 25 جىل­­دى­عى» كىتابىن ءوس­كە­مەن­دىك­تەر­گە سال­تاناتتى تۇردە تاپسى­ر­دى. اك­تسيا ءارى قاراي قاراعاندى وبلىسىندا جالعاسادى. دۋمان اناش, «ەگەمەن قازاقستان» وسكەمەن