الەكسەي ني نەلىكتەن قۇرامادان كەتتى؟

اۋىر اتلەتيكادان قازاقستان قۇراماسىنىڭ بۇرىنعى باپكەرى الەكسەي ني ءوزىنىڭ كوماندادان كەتۋ سەبەبىن ايتتى, دەپ حابارلايدى Vesti.kz. بۇگىن الەكسەي ءنيدىڭ قىزمەتىنەن كەتەتىنى بەلگىلى بولدى. ول قازاقستان قۇراماسىمەن 1994 جىلدان باستاپ جۇمىس ىستەپ, 6 وليمپيادا مەن 15 الەم چەميوناتىن وتكىزدى. سوڭعى بىرنەشە ايدىڭ ىشىندە حالىقارالىق وليمپيادا كوميتەتى (حوك) قازاقستاندىق اۋىر اتلەتتەردى 7 مەدالدان ايىردى. ونىڭ بەسەۋى - التىن, بىرەۋى - كۇمىس, بىرەۋى - قولا. - مەن ءوز ەركىممەن اۋىر اتلەتيكادان قازاقستان قۇراماسىنىڭ باس باپكەرى قىزمەتىن بوساتۋ تۋرالى شەشىم قابىلدادىم. بۇل تۋرالى سپورشىلارىمنىڭ دوپينگ-سىنامالارىن تەكسەرۋ باستالعاندا-اق ويلاعان بولاتىنمىن. بىراق ول كەزدە ريو وليمپياداسىنا كوماندانى دايىنداپ, العا جىلجۋ كەرەك بولدى. سەبەبى ماعان جاۋاپكەرشىلىك ارتىلدى. سول كەزدە, ەگەر سپورشىلارىمدى قورعاي الماسام, ولار مەدالدارىنان ايىرىلسا, مەن ودان ءارى جۇمىس ىستەمەيمىن, سولارمەن بىرگە كەتەمىن دەپ شەشىپ قويعانمىن. جاقىن ارادا قۇراماعا باسقا باپكەر تاعايىندالادى, دەدى ني. الەكسەي ني جۇمىستان كەتۋ تۋرالى ءوتىنىشىن قابىلداعان مينيسترلىككە, ۇوك مەن فەدەراتسياعا, ونى جانە سپورتشىلارىن قولداعان حالىققا العىسىن ءبىلدىردى. "مەنىڭ قىزمەتىمنەن كەتكەنىم - سپورتتاعى وتباسىمدى قولداعانىم. بۇل ءوز كىناڭدى مويىنداۋ ەمەس", دەدى ني.