سەمەيدە ءبىراز ۇيلەردى سۋ باسۋ قاۋپى بار

سەمەي تۇرعىندارىنا ەۆاكۋاتسياعا دايىن بولۋ كەرەكتىگى ەسكەرتىلدى. ەرتىستەگى سۋ دەڭگەيىنىڭ كوتەرىلۋىنە بايلانىستى وندا سۋ باسۋ قاۋپى بار, - دەپ حابارلايدى Tengrinews.kz قازىر وزەندەگى سۋ سىرتقا شىعىپ كەتتى, ەندى ونىڭ ۇيلەردى باسىپ كەتۋ قاۋپى بار. بۇگىن توتەنشە جاعدايلار باسقارماسىنىڭ ماماندارى تۇرعىندارعا سۋ باسۋ قاۋپى بار ەكەنىن ەسكەرتىپ, قاۋىپتى ەلدى مەكەندەردى ارالاپ, ادامداردى ەۆاكۋاتسياعا دايىنداپ جاتىر. "بۇگىن ەرتىس وزەنىندەگى سۋ دەڭگەيىنىڭ كوتەرىلۋىنە بايلانىستى ەلدى مەكەندەرى سۋ باسۋى مۇمكىن. ونىڭ ىشىندە ءابدۋالى كوشەسى, ءابدۋالى قيىلىسى, جىبەك جولى, اقجول جانە ەرتىس ماڭىنداعى باسقا دا كوشەلەر بار. وسى كوشەنىڭ تۇرعىندارى ەۆاكۋاتسياعا دايىن بولۋى كەرەك. ولارعا قۇجاتتارىن, اقشالارىن جانە باسقا دا قۇندى زاتتارىن دايىنداپ قويۋلارىنا كەڭەس بەرەمىز", - دەپ حابارلادى ماماندار. سونىمەن قاتار, توتەنشە جاعدايلار باسقارماسىنىڭ ماماندارى قازىرگى ۋاقىتتا وزەندەگى سۋدىڭ 412 سانتيمەترگە جەتكەنىن ايتتى. ەسكە سالايىق, بۇل وسىمەن سەمەيدە وسى جىلى ەكىنشى رەت بولىپ تۇرعان جاعداي. سۋ دەڭگەيىنىڭ بىردەن كوتەرىلۋى قاڭتار ايىندا بولعان ەدى. وندا دا تۇرعىندارعا 30 گرادۋس ايازدا ەۆاكۋاتسيا بولۋى مۇمكىن ەكەنى ەسكەرتىلگەن بولاتىن.