نوبەل يەگەرى قازاقستاندا ەكو-قالا سالۋدى ۇسىندى

استانادا ءوتىپ جاتقان يننوۆاتسيالىق كونگرەستە نوبەل سىيلىعىنىڭ يەگەرى راە كۆون چۋنگ ابۋ-ءدابيدىڭ ماسدار قالاسىنا ينۆەستيتسيا قۇيىپ جاتقانىن ايتىپ, سول ۇلگىمەن قازاقستاندا جاڭا ەكو-قالا سالۋدى ۇسىندى. "سىزدەرگە ماسدار قالاسىنىڭ ۇلگىسىن ۇسىنامىن. سول سەكىلدى ورتالىق ازيادا جاڭا قالانىڭ جوباسىن جاساپ, سونى سالۋعا بولادى", دەدى شەتەلدىك قوناق. سونىمەن قاتار ول قازاقستان ءوزىنىڭ كليماتتىق ەرەكشەلىكتەرىن ەسكەرە وتىرىپ جاڭا شەشىمدەر تابا الاتىنىنا سەنىمدىلىگىن جەتكىزدى. ەلەكتر اۆتوبۋستارىن, كۇن پانەلدەرىن ەكسپورتقا شىعاراتىن قىتايدى مىسالعا كەلتىرە وتىرىپ راە كۆون چۋنگ مونرەالدىڭ جولىن ايتتى: "مونرەالدا قىس وتە قاتتى. بىراق ولاردا جەردىڭ استىندا ورنالاسقان ساۋدا ورتالىقتارى بار. سول سەكىلدى باسقا جوبالار دا قاراستىرىپ كورۋگە بولادى. نەگىزى ۇكىمەت ءۇش ە, ياعني, ەنەرگيا, ەكونوميكا, ەكولوگيا پاراديگماسىن قولدانعانى ءجون", - دەدى ول.