استانادا كوكتايعاققا قارسى رەاگەنت قولدانىلادى

بيىل العاش رەت ەلوردانىڭ كوممۋنالدىق قىزمەتتەرى كوكتايعاققا قارسى «ايسمەلت» رەاگەنتىن پايدالانا باستادى, دەپ حابارلادى استانا اكىمدىگىنىڭ ءباسپاسوز قىزمەتى. «استانا تازالىق» جشس حابارلاۋىنشا, «ايسمەلت» حلورلى كالتسي نەگىزىندە وندىرىلەتىن كوپقۇرامدى ماتەريال. قاتۋ تەمپەراتۋراسى وتە تومەن بۇل رەاگەنت مۇزدىڭ ءتۇزىلۋىن بولدىرمايدى. ۇقساس ماتەريالدارمەن سالىستىرعاندا, اۋدان ۋچاسكەسىن وڭدەۋگە قۇرامنىڭ از كولەمى قاجەت. قىستىڭ العاشقى كۇندەرىنەن ەلوردادا اتالعان زاتتىڭ 575 تونناسى قولدانىلعان. رەاگەنتتىڭ باستى ارتىقشىلىعى – ادام مەن جانۋارلار ءۇشىن زيانى جوق. بۇعان قوسا, ول كوشەنى لاستامايدى, جانە تايعاناۋعا جول بەرمەيدى, قار نەمەسە مۇز قاباتىنا تەز جانە تەرەڭ سىڭەدى جانە جيناعاننان كەيىن ءىز قالدىرمايدى. دۇرىس قولدانعان جاعدايدا رەاگەنت كوكتايعاقتىڭ تۇزىلۋىنە جول بەرمەيدى, كوكتايعاققا قارسى ەكى قۇرامداستى (حلورلى كالتسي جانە حلورلى ناتري) ۇيلەستىرۋ ەسەبىنەن ۇزاق ۋاقىت ەرۋدى قامتاماسىز ەتەدى. ونىڭ باستى ارتىقشىلىقتارىنىڭ ءبىرى – رەاگەنتتەردىڭ ىشىندە ەڭ كوپ شىعىندالاتىندىعى. وسىنىڭ ارقاسىندا كوكتايعاقپەن كۇرەستە ناتيجە بار. اۋا رايى جاعدايلارىنا بايلانىستى جىل سايىن ورتا ەسەپپەن 30-دان 35 مىڭ تەكشە مەترگە دەيىن قۇم-تۇز قوسپاسى پايدالانىلادى.