ازاماتتىق – ابىرويلى مارتەبە

كەشە اقوردادا مەملەكەتتىك حاتشى گۇلشارا ابدىقا­لى­قوۆانىڭ باسشىلىعىمەن قازاقستان پرەزيدەنتى جا­نىنداعى ازاماتتىق ماسەلەلەر جونىندەگى كوميسسيانىڭ كەزەكتى وتىرىسى ءوتتى. باسقوسۋدا قازاقستان ازا­مات­تىعىنا قابىلداۋ جانە شى­عارۋ ماسەلەلەرى قارالدى. جيىندا مەملەكەتتىك حاتشى گ.ابدىقالىقوۆا تاۋەل­سىز­دىك العان كەزدەن باستاپ قازاق­ستاننىڭ ازاماتى بولۋعا تال­پىنعان ادامداردىڭ سانى ۇنەمى وسۋدە ەكەندىگىن اتاپ ءوتتى. ونىڭ ايتۋىنشا, تاۋەلسىزدىكتىڭ 25 جى­لىندا ەلىمىزگە 983 مىڭ 733 ازامات كەلگەن. بۇل دەرەك مەملەكەت باسشىسىنىڭ پاراساتتى باسشىلىعى ارقاسىندا ءوسىپ-وركەندەگەن ەلىمىزدىڭ الەۋ­­مەتتىك-ەكونوميكالىق جە­تىس­تىكتەرىن, ورنىقتى دامۋىن, ۇلتارالىق كەلىسىم مەن تۇ­راقتىلىقتىڭ بەرىك ور­ناعانىن ايقىنداي تۇسەدى. – ەل تاۋەلسىزدىگىنىڭ 25 جىل­دىعى قارساڭىندا كوپ­تەگەن ادام قازاقستان ازا­مات­تى­عىن العالى تۇر. ءبىز ولار­عا باقىتتى ءومىر جانە وتانى­مىزدىڭ يگىلىگى ءۇشىن تابىس­تى قىزمەت ەتۋىن تىلەيمىز. ولار­دىڭ تاۋەلسىز قا­زاق­ستان­نىڭ لايىقتى ازاماتى بولا وتىرىپ, ونىڭ ءارى قاراي دامۋى­نا ءوز ۇلەستەرىن قوسا­تىندى­عىنا سەنىم بىلدىرەمىز, – دەدى گۇلشارا ابدىقالىقوۆا. ايتا كەتەيىك, قازاقستان پرە­زيدەنتى نۇرسۇلتان نازار­باەۆ ءتيىستى جارلىققا قول قوي­عاننان كەيىن جاقىن جانە الىس شەتەلدەردەن كەلگەن ءارتۇرلى ۇلتتىڭ 622 وكىلى قازاق­ستان ازاماتى اتاناتىن بولادى. جيىن قورىتىندىسىندا ءتيىستى شەشىمدەر مەن ۇسى­نىم­دار قابىلداندى. جولدىباي بازار, «ەگەمەن قازاقستان»