قازاقستان رەسپۋبليكاسى ۇكىمەتىنىڭ قاۋلىسى № 1055

2011 جىلعى 14 قىركۇيەك, استانا, ۇكىمەت ءۇيى كونديتەرلىك ونىمدەردىڭ كەيبىر تۇرلەرىن اكەلۋگە قاتىستى قورعاۋ شارالارىن ەنگىزۋ تۋرالى «تاۋارلار يمپورتى جاعدايىندا ىشكى رىنوكتى قورعاۋ شارالارى تۋرالى» قازاقستان رەسپۋبليكاسىنىڭ 1998 جىلعى 28 جەلتوقسانداعى زاڭىنىڭ 21-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. مىنالارعا: 1) كەدەن وداعىنىڭ سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ 1704 90 710 0, 1704 90 750 0 كودتارىمەن جىكتەلەتىن, قۇرامىندا كاكاو جوق, ىشىندە قوسپاسى بار نەمەسە قوسپاسى جوق مۇز كامپيتتەن جاسالعان كارامەل, توففي, وزگە دە كارامەلدەر جانە سوعان ۇقساس تاتتىلەر اكەلۋگە قاتىستى كەدەندىك قۇنىنىڭ 30%-ى مولشەرىندە, بىراق 1 كگ ءۇشىن كەمىندە 0,27 ەۆرو; 2) كەدەن وداعىنىڭ سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ 1806 90 110 0, 1806 90 190 0 كودتارىمەن جىكتەلەتىن, قۇرامىندا الكوگولى بار جانە جوق, ىشىندە قوسپاسى بار نەمەسە قوسپاسى جوق شوكولادتى كامپيتتەر اكەلۋگە قاتىستى كەدەندىك قۇنىنىڭ 49 %-ى مولشەرىندە, بىراق 1 كگ ءۇشىن كەمىندە 0,8 ەۆرو; 3) كەدەن وداعىنىڭ سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ 1806 90 500 1, 1806 90 500 2, 1806 90 500 9 كودتارىمەن جىكتەلەتىن, قانتتان جانە قۇرامىندا كاكاو بار قانتتى الماستىراتىن ونىمدەردەن ازىرلەنگەن ونىڭ الماستىرعىشتارىنان جاسالعان كونديتەرلىك ونىمدەردى اكەلۋگە قاتىستى كەدەندىك قۇنىنىڭ 39 %-ى مولشەرىندە, بىراق 1 كگ ءۇشىن كەمىندە 0,42 ەۆرو قورعاۋ باجدارى 3 جىل مەرزىمگە ەنگىزىلسىن; 2. قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى كەدەندىك دەكلاراتسيالاۋ كەزىندە وسى قاۋلىنىڭ 1-تارماعىندا كورسەتىلگەن قورعاۋ باجىن السىن. 3. قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى قازاقستان رەسپۋبليكاسى سىرتقى ىستەر مينيسترلىگىمەن بىرلەسىپ, بەلگىلەنگەن تارتىپپەن مۇددەلى شەت مەملەكەتتەردى, سونداي-اق ەۋرازيالىق ەكونوميكالىق قوعامداستىقتىڭ ينتەگراتسيالىق كوميتەتىن قازاقستان رەسپۋبليكاسىنىڭ وسى قاۋلىنىڭ 1-تارماعىندا كوزدەلگەن قورعاۋ شارالارىن ەنگىزگەنى تۋرالى حاباردار ەتسىن. 4. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.