جارمەڭكە جاقسىلىعى

ادەمى كوڭىل-كۇيدى كەيدە بازار نارقى بۇزاتىنى بار عوي. سامساعان ازىق-ت ۇلىككە قالتاڭداعى قارجىڭ جە­تىڭكىرەمەسە قور­لىق دەگەن سول. بىراق, جەتىسۋلىق ءوندى­رىس­تىك كووپەراتيۆتەر مەن شارۋا قوجالىق­تا­رى­نىڭ ۇجىمدارى بارىن شاھار تۇ­تى­نۋ­شىلارىمەن ءبولىسۋدى جىل سايىن ادەتكە اينالدىرىپ, كومەكتەرىن اياماۋدا. اعىم­داعى جىلى دا الماتى مەن تالدىقورعان, قاپشاعاي, تەكەلى قالالارىندا العاشقى اۋىل شا­رۋا­شىلىعى تاۋارلارىنىڭ ءجار­مەڭ­كەسى جالعاسىن تاپتى. الماتىلىقتار جام­بىل, ەڭبەكشىقازاق, ىلە, قا­راساي, راي­ىمبەك, تالعار, ۇيعىر اۋدان­دا­رىنا بەلگىلەنگەن ورىن­دار­دا­عى سورە­لەردە ءتورت ت ۇلىك­تىڭ ەتى مەن مايىنا, ءسۇت, كوكونىس جانە باسقا دا ازىق-ت ۇلىككە تولتىردى. وسى كۇنگى ءجار­مەڭكەدە ازىق-ت ۇلىكتىڭ وتىزدان استام ءتۇر­لەرى ساۋدالانىپ, 11075,6 مىڭ تەڭگەنىڭ ءونىم­دەرى ساتىلدى. وسىن­داي ساۋدا قاپ­شا­عايدا دا جالعاستى. تەكەلى شاھارىنداعى قايتا وڭدەۋ كا­سىپ­ورىندارى مەن قالا اۋما­عىن­دا­عى كوك­ونىس وسىرەتىن اۋىلشا­رۋا­شى­لىق قۇرى­لىم­دارى, جەكە شارۋا قو­جالىقتارى تۇ­تىنۋشى تالعامىنان شىعا ءبىلدى. قىسقا توساپ داي­ىن­داي­تىن­دار بازار باعاسىنان ارزان كوك­ونىستى ارقالاپ جاتتى. وسى­لايشا اتال­عان قالالاردا وتكەن العاشقى كۇزگى جارمەڭكە جوعارى دەڭگەيدە ۇيىم­داستىرىلعانىنا كوز جەتتى. وبلىس اكىمدىگى, وبلىستىق اۋىل شا­رۋاشىلىعى, ونەركاسىپ جانە كا­سىپ­­كەرلىك سالالارىنىڭ باسشىلارى مەن اۋدان اكىمدەرى جارمەڭكەلەردەگى با­عا­نىڭ, ساۋدا مادەنيەتى مەن ءونىم ساپاسىن قادا­عالاپ, حالىقتىڭ سۇرانىسىن زەرتتەدى. بازار سورەلەرىندە ەت, بالىق, شۇ­جىق, بال مەن ءسۇت تاعامدارى جانە جەمىس-جيدەك پەن كوكونىس تۇرلەرى كوپ بولدى. اسىرەسە, كارتوپ پەن پياز 40-45 تەڭگەدەن, ءسابىز 45-50 تەڭگە­دەن, قىرىققابات 25-تەن, قىزاناق پەن ءتاتتى بۇرىشتىڭ ءار كيلوسى 40 تەڭ­گەدەن بولدى. ۇشتوبە قالا­سىن­دا­عى «ۇشتوبە-ايدىن» جشس سارى ماي, سۇزبە, كىلەگەي, ايران, ال «ءۇش­توبە-ميراج» سە­رىك­تەستىگىنىڭ شۇجىق تۇرلەرىنە تۇتىنۋ­شىلار ءوز باعا­لا­رىن بەرىپ, سۇرانىس ارت­تى. ال, پانفيلوۆ, سارقان, ەسكەلدى اۋدان­دارى­نىڭ اۋىلدىق وكرۋگتەرى الما, ال­مۇرت, ءجۇزىمنىڭ ءتۇر-ءتۇرىن جايىپ سالدى. وسى كۇنى تالدىق­ور­عان­دىقتارعا 9542,4 مىڭ تەڭگەنىڭ ساۋداسى جاسالعانى بەلگىلى بولدى. ەندى ءار سەنبىدەگى جارمەڭكەنى حالىق اسىعا كۇتەدى. كۇمىسجان بايجان. الماتى وبلىسى.