كوڭىل شۋاعى

قالامى قارىمدى اقىن­جان­­­دى ارىپتەسىمىز, باسىلىمنىڭ اق­­­­مولا وبلىسىنداعى ءتىلشىسى باق­­­بەرگەن امالبەكوۆتىڭ «كەرىمسال» اتتى جاڭا جىر جيناعى جا­رىق كورىپتى. ادەمى بەزەندىرىلگەن كىتاپ ءۇش بولىمنەن تۇ­را­دى. ءبىرىنشى ءبولىم – «جۇرەك ءسو­­­زى», ەكىنشى ءبولىم – «كوگىلدىر كوك­شەتاۋ», ءۇشىنشى ءبولىم – «ماڭگى ءتىرى ماحاببات» دەپ اتالادى. العاشقى بولىمدە قالامگەر جان-دۇنيەسىن جارىپ شىققان وي­لاردى ولەڭ جولىنا ءتۇسىرىپ ورنەكتەگەندە ادامنىڭ بۇكىل بول­­مىسى مەنمۇندالاپ تۇرادى. قازىعۇرت تۋرالى «ساعىنىپ كەلدىم, بابا تاۋ, جانارتاۋ ءجۇ­رەك جار سالىپ» دەپ قاسيەتتى جەر­گە شىنايى ءىلتيپاتىن بىلدىرەدى. ەكىنشى بولىمدە كوگىلدىر كوكشەتاۋدىڭ اسەم تابي­عا­تىن, نۋلى ورمانىن, وزەن-كولىن كەلىستىرە سۋرەتتەيدى. قايىڭدار الەمى تۋرالى قالام تەربەگەندە تابيعات-انانىڭ قۇدىرەتىنە باس يەسىڭ. اسىرەسە, جاپىراعى جايقالعان, ءدىڭى اق قا­بىق­­تارمەن كومكەرىلگەن ءبيشى قايىڭداردى كو­بە­لەك­كە تەڭەيدى. كەربەز سۇلۋ بۋرابايدى جىر­­لا­عاندا: «سىرىمدى جىبەك جەلمەن ۇندەس­تىرىپ» دەپ وي الەمىن كوركەم­دىكپەن ۇشتاس­تىرىپ, جىر شۋ­ماق­­تا­رىن توك­كەندە كوز ال­دى­ڭا ادە­مى سۋرەتتەر كەلەدى. «ايناكول» اتتى ولەڭىندە «ىڭكارىم بولعان قاشان دا, ايناكول ارۋ ارمىسىڭ!», دەپ ءبىر شالقىپ الىپ, «اق قاي­­­ىڭ­­دار اپپاق نۇردان ءنار العان, ايدىنىڭدا اققۋلارىڭ تا­ران­عان. كوڭىلىمدى كوكتەم ەتكەن, كوكشەتاۋ, اينىمايسىڭ ارمان تۇنعان جاناردان», دەپ تاۋ كەلبەتىنەن تاماشا سۋرەت سا­لادى. شوقاننىڭ ۇلىلىعىن كوكشەتاۋ تابيعاتىمەن ۇش­تاس­تىرسا, قازاقتىڭ ەركە اقى­نى ەركەش يبراھيمگە ارناعان ولەڭىندە ونىڭ تالانتىنا باس ءيىپ, وزىنە ۇلگى ەتەدى. ءۇشىنشى بولىمدەگى ولەڭ­دەر­دە ارىپتەسىمىز ءار ازامات­تىڭ ومىرگە دەگەن ماحابباتىن, جارعا دەگەن ادالدىعىن, ۇرپاققا دەگەن ەرەكشە ءىلتيپاتىن كەلىستىرە جىرلايدى. بۇعان دەيىن قارا سوزدە تانىلعان اۆتور ەندى ولەڭ ءور­ىمدەرىمەن دە وقىرماندى ەلەڭ ەتكىزىپ وتىر. كەرىمسال ءومىر, كەرىمسال جىر جولدارىنا ءتۇس­­كەندە كىمدى دە بولسا سەلت ەتكىزەدى ەكەن. زامان­دا­سى­مىز­دىڭ وسى ءبىر قادامىن قۇپ ا­لىپ, وسىنداي ادەمى جىر-جيناقتارى شىعا بەرسىن دەمەكپىز. سۇلەيمەن مامەت.