تەحنوپاركتى دامىتۋ جولدارى قارالدى

الماتىدا پرەمەر-مي­نيس­تر­دىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكە­شەۆ­تىڭ توراعالىعىمەن «اق­پا­رات­تىق تەحنولوگيالار پاركى» اەا-نى ودان ءارى دامىتۋ ءما­سە­لەلەرى بويىن­شا كوشپەلى كەڭەس ءوتتى. كەڭەس الدىندا ءا.يسەكەشەۆ پارك اۋما­عىندا ءوندىرىسىن ۇيىم­داس­تىراتىن 6 كومپانيانىڭ جو­با­لارىمەن تانىستى. شىعارۋعا جوسپارلانعان ءونىمنىڭ اسسورتيمەنتى وتە مول, ولار – جارىق بەرەتىن شامدار, لازەرلى پرينتەرلەرگە ارنالعان جيناقتاۋشىلار, ۇيالى تەلەفوندار, كوممۋتاتورلار, تە­لە­كوممۋنيكاتسيالىق جاب­دىق, كەڭ­سە تاۋارلارىن ساتۋ جونىندەگى اۆتوماتتار. قازىرگى ۋاقىتتا, اتال­عان كومپانيالار تەحنولوگيالىق قاجەتتىلىككە ارنالعان وندىرىستىك ءمودۋلدى قايتا جاساقتاۋ جونىنەن جۇمىستار جۇرگىزۋدە. وندىرىستەر اعىمداعى جىلدىڭ سوڭىنا دەيىن ىسكە قوسىلماق. اسەت يسەكەشەۆ جو­بالىق تولىقتىرۋ جونىندە ءجۇر­گىزىلىپ وتىرعان جۇمىستى وڭ باعالادى جانە ەلەۋلى يننو­ۆا­تسيا­لىق الەۋەتى بار ءارى ەكونومي­كا­نىڭ تەحنولوگيالىق جاڭعىر­تى­لۋى­نا وڭ اسەر ەتەتىندەرىن عانا پارك­كە جىبەرە وتىرىپ, جوبا­لار­دى ىرىكتەۋگە ەگجەي-تەگجەيلى كەلۋ كەرەكتىگىن اتاپ ءوتتى. كەڭەستە پاركتى ودان ءارى دا­مىتۋ ءجو­نىن­دەگى مەملەكەت باس­شى­سى تاپسىر­ما­لارىنىڭ ورىن­دا­لۋى, جاڭا وبەكتىلەردى سالۋعا دايىندىق, «ارنايى ەكونومي­كا­لىق ايماقتار تۋرالى» زاڭنىڭ جاڭا رەداكتسياسىن قابىلداۋمەن باي­لا­نىستى باسقارۋ جۇيەسىن ءوز­گەر­تۋ بارىسى, سونداي-اق, ۇيىم­داس­­تى­رۋ­شىلىق سيپاتىنداعى باس­­قا دا ماسەلەلەر تالقىلاندى. كەڭەسكە قاتىسۋشىلار ينجەنەرلىك جە­لىلەردى جانە پاركتە قا­لىپتاس­تى­رى­لاتىن يننوۆاتسيا­لار­دى جيناقتاۋ جۇيە­سىنىڭ نەگىزگى ەلەمەنتى بولاتىن بىرقاتار وبەك­تىلەردى جوبالاۋ جونىندەگى جۇمىس بارىسى تۋرالى حاباردار ەتتى. اتاپ ايت­قاندا, قازاق مۇناي جانە گاز ينستيتۋتى 7,2 گا اۋماقتا ور­نالاساتىن جانە پارك اۋماعىندا پايدالانۋعا بەرىلەتىن ال­عاشقى وبەكتى – عىلىمي-زەرتتەۋ كەشەنىن قۇرۋ جوسپارىن اياقتادى. قازاق-بريتان تەحنيكالىق ۋني­­ۆەرسي­تەتىنىڭ رەكتورى ەسكەندىر بەيسەمبەتوۆتىڭ ايتۋىنشا, پاركتە ستۋدەنتتەردى وقىتۋ جانە ولاردىڭ تۇرۋى ءۇشىن بارلىق قا­جەتتى ينفراقۇرىلىممەن 50 گەك­تارعا دەيىنگى اۋماقتا جاڭا كامپۋس ورنالاستىرۋ جوسپارلانىپ وتىر. جاڭا كامپۋستى سالۋ مەن جاراقتاندىرۋدىڭ قۇنى 200 ميلليون اقش دوللارىن قۇرايدى. ءسوز سويلەۋشىلەر پارككە جاڭا ينۆەستورلار مەن يننوۆاتسيالىق كومپانيا­لار­دىڭ كەلۋى ءۇشىن قو­لايلى جاعداي جاساۋعا مۇمكىندىك بەرەتىن ينجەنەرلىك كوممۋنيكاتسيالار جەلىلەرىن سالۋدى جەدەل باستاۋ قاجەتتىلىگىن اتاپ ءوتتى. «ەگەمەن-اقپارات».