مەملەكەت قايراتكەرىنىڭ مەرەيتويى كەلە جاتىر

ءاربىر ەلجاندى ازامات دىنمۇحامەد احمەت ۇلى قوناەۆتىڭ ەسىمىن ەرەكشە ىلتيپاتپەن اتايدى. ديمەكەڭدەي دارا تۇلعانىڭ قازاق ءۇشىن ورنى بولەك. ەندەشە, ەلۋ جىل ەل اعاسى اتانعان قازاقتىڭ ءبىرتۋار ۇلىنىڭ عاسىرلىق مەرەيتويى دا ءوز دەڭگەيىندە اتاپ ءوتىلۋى ءتيىس. بۇل – ەلباسىنىڭ تۇجىرىمى. وسى ماسەلەگە وراي, كەشە قا­زاقستان رەسپۋبليكاسى پرەزي­دەنتى­نىڭ الما­تى­داعى رەزيدەن­تسيا­سىندا مەملەكەتتىك حاتشى قانات ساۋداباەۆ د.ا.قوناەۆ اتىن­داعى حالىق­ارا­لىق قوردىڭ باسشىلارىمەن كەزدەستى. كەڭەسىپ پىشكەن تون كەلتە بولماس دەگەندەي, ويلاسۋ تۇر­عى­سىندا وتكەن باسقوسۋعا د.ا.قو­ناەۆ قورىنىڭ قۇرمەتتى پرەزيدەنتى سۇلتان جيەنباەۆ, ۆيتسە-پرەزيدەنتى كەڭەس اۋحاديەۆ, باس­قارما مۇشەلەرى جاننات اسقا­روۆا, بولىسبەك باتتالحانوۆ, الما­تى قالاسىنىڭ اكىمى احمەتجان ەسىموۆ جانە پرەزيدەنت اكىمشى­لى­گى­ ىشكى ساياسات ءبولىمىنىڭ مەڭ­گە­رۋشىسى دارحان مىڭباي قاتىستى. كىل جاقسىلارمەن وتكەن كەزدەسۋدى اشا وتىرىپ قانات ساۋداباەۆ: – ەلباسى نۇرسۇلتان نازار­باەۆ­تىڭ دىنمۇحامەد احمەت ۇلى قوناەۆتىڭ تۋعانىنىڭ 100 جىل­دى­عىنا دايىندىق پەن ونى ءوت­كىزۋدى لايىقتى ۇيىمداستىرۋ تۋ­رالى تاپسىرماسىنا سايكەس, ءبىز بۇگىن اتقارىلعان جۇمىستاردىڭ ناتيجەسىن قاراپ, الداعى مە­رەي­تويعا دەيىن قالعان ۋاقىتتا شەشىلۋى قاجەت ماسەلەلەردى تالقىلاۋعا ءتيىسپىز. بۇگىنگى كەزدەسۋدىڭ قورى­تىن­دىسى بويىنشا مەملەكەت باسشىسىنىڭ تاپسىرماسىن تىكەلەي ىسكە اسىرۋ جونىندە ءتيىستى شەشىمدەر قابىلداناتىن بولادى, – دەدى. ال قوناەۆتاي دارا تۇلعانىڭ عاسىرلىق تويى 2012 جىلدىڭ  12 قاڭتارىندا اباي اتىنداعى قا­زاق مەملەكەتتىك اكادەميالىق وپە­را جانە بالەت تەاترىندا وتەتىن سالتاناتتى جيىننان باستاۋ الماق. مەملەكەت قايرات­كەرى­نىڭ ونەگەلى عۇمىرى مەرەيتويلىق جىل اياسىندا جان-جاقتى ۇلىق­تا­لىپ, كەلەر ۇرپاق الدىندا ۇيال­ماي­تىنداي ناسيحاتتالۋى ءۇشىن قازىردىڭ وزىندە بىرقاتار شارالار قولعا الىنا باستاعان. حالىقارالىق قوردىڭ باسشى­لارى مەرەيتويعا دايىندىق جۇ­مى­سىنىڭ بارىسى تۋرالى حاباردار ەتە كەلىپ, قوردىڭ مەملەكەت باسشىسىنىڭ قامقورلىعىن ءار­دايىم سەزىنىپ وتىرعانىن ەرەكشە اتاپ ءوتتى. ماسەلەن, قازاقستان پرە­زيدەنتىنىڭ 1994 جىلدىڭ 24 اقپانىنداعى «د.ا.قوناەۆتىڭ اتىن ماڭگى ەستە قالدىرۋ تۋرالى» قاۋلىسىنا سايكەس, الماتى قالا­سىندا مۇراجاي ءۇيى, شىمكەنت قالاسىندا مۇراجايى اشىلعانى بەلگىلى. د.ا.قوناەۆتىڭ ەسىمى ءوندىرىس ورىندارىنا, وقۋ ورىندارى مەن عىلىمي-زەرتتەۋ ورتالىقتارىنا, استانا, الماتى جانە ەلىمىزدىڭ باسقا دا قالالارىنداعى داڭعىل­دار مەن كوشەلەرگە بەرىلدى. وسى ارادا ەۋرازيا كەڭىس­تى­گىن­دەگى بىردە-ءبىر ەلدە بۇرىنعى باس­شى­لارىنا مەملەكەتتىك دەڭگەيدە مۇنداي مۋزەي جاساقتالماعانىن ايتا كەتۋگە بولادى. بۇل جەردە جەكە مەنشىك قورلار مەن مۇرا­جاي­لار تۋرالى اڭگىمە بولەك. الدىمەن قانات ساۋداباەۆ كەز­دەسۋگە قاتىسۋشىلارمەن بىرگە د.ا.قوناەۆ حالىقارالىق قورى­نىڭ  اكىمشىلىك عيماراتىمەن جانە مۇراجاي ءۇيىنىڭ جۇمى­سى­مەن ەگجەي-تەگجەيلى تانىسىپ شىق­قانىن ايتا كەتەلىك. سونداي-اق, كەزدەسۋ بارىسىندا كورنەكتى مەملەكەت قايراتكەرىنىڭ تۇرعان ءۇيىن دە مۋزەيگە اينالدىرۋ كەرەكتىگى جونىندە ۇيعارىم جاسالدى. مەملەكەتتىك حاتشىمەن كەزدەسۋ بارىسىندا د.قوناەۆتىڭ 100 جىل­دىعىن اتاپ وتۋگە قاتىستى باس­قا دا كوپتەگەن ماسەلەلەر تال­قىلانىپ, كەلەلى ۇسىنىستار  اي­تىلدى. سو­نىڭ ىشىندە ەل اعا­سى­نىڭ ەسىمىن ءوزى ەلىمىزدە ىرگەتاسىن قالاۋعا ىقپال ەتكەن قالالاردىڭ بىرىنە بەرۋ جونىندە ۇسىنىس ءبىلدىرىلدى. عيبراتتى عۇمىر يەسىنىڭ مە­رەي­تويىنا ارناپ البومدار,   في­لم­دەر مەن سىيكادەلەر جاساۋ دا وي­لاستىرىلدى. تاۋ تۇلعانىڭ تا­عى­لىمدى ءومىرى جاستارعا ۇلگى بولۋى ءۇشىن مۇنداي شارالار لەگى سال­تا­نات­تى جيىنمەن عانا شەكتەلمەيدى. ايناش ەسالي. --------------------------------- سۋرەتتى تۇسىرگەن ايتجان سالىق ۇلى.