جاقىن كورشىمەن جۇزدەسۋ وتەدى

سىرتقى ىستەر مينيستر­لى­گىنىڭ رەسمي وكىلى اسقار ابدراحمانوۆ اپتا­لىق بريفينگتە وسى ايدىڭ 15-ىندە  استراحاندا نۇر­سۇل­تان نازارباەۆ پەن دميتري مەد­ۆەدەۆتىڭ قاتىسۋى­مەن قا­زاق­ستان جانە رەسەي ايماق­ارالىق ىنتىماقتاس­تىق­تىڭ ءVىىI فورۋمى وتە­تىنىن حا­بارلادى. الداعى ءىس-شارانىڭ نەگىزگى تاقىرىبى – «تران­س­شە­كارالىق سيپاتتاعى توتەنشە جاعدايلارعا بىرلەسە دەن قويۋ» دەگەن رەسمي وكىل مەملەكەت باسشىلارىنىڭ ەكى­جاقتى كەزدەسۋىنىڭ بارى­سىندا قازاقستان مەن رەسەي­دىڭ 2011-2012 جىلدارعا ار­نالعان بىرلەسكەن ءىس-قي­مىلدار جوسپارىنىڭ ورىن­دالۋ بارىسى, وتىن-ەنەر­گە­تيكالىق كەشەن ماسەلەلەرى, «بايقوڭىر» كوسمودرومى بويىنشا شارتتىق-قۇقىق­تىق بازانى جەتىلدىرۋ, ترانس­شەكارالىق سۋ وبەكتىلەرىن پايدالانۋ مەن قورعاۋ, ين­تەگراتسيالىق بىرلەستىكتەر شەڭ­بەرىندەگى ىقپالداستىق جانە باسقا دا ماسەلەلەردى تالقىلاۋ جوسپارلانىپ وتىرعانىن ءمالىم ەتتى. سونىمەن قاتار, فورۋم­نىڭ پلەنارلىق وتىرىسى­نىڭ قورىتىندىسى بويىن­شا بىرقاتار ەكىجاقتى كەلىسىمدەرگە قول قويىلادى دەپ كۇتىلۋدە. «ەگەمەن اقپارات».