ماڭىزدى جوبالار تانىستىرىلدى

2012 – 2014 جىلدارعا ارنالعان رەسپۋبليكالىق بيۋدجەتتىڭ جوباسى مەملەكەت باسشىسىنىڭ جولداۋلارىندا قويىلعان مىندەتتەر نەگىزىندە قالىپتاستىرىلعان ماجىلىستە «2012–2014 جىلدارعا ارنالعان رەسپۋب­لي­كالىق بيۋدجەت تۋرالى» جانە «قازاقستان رەسپۋب­لي­كا­سىنىڭ ۇلتتىق قورىنان 2012–2014 جىلدارعا ار­نالعان كەپىلدەندىرىلگەن ترانسفەرت تۋرالى» زاڭ جو­با­لارى­نىڭ تانىستى­رى­لىمى ءوتتى, دەپ حابارلادى وسى پالاتانىڭ ءباسپاسوز قىزمەتى. قارجى جانە بيۋدجەت كو­مي­تەتىنىڭ ءتورايىمى گۇلجان قاراعۇسوۆا كىرىسپە ءسوز ءسوي­لەپ, ءۇش جىلدىق بيۋدجەت جوس­پارىن قالىپتاستىرعان زاڭ جوباسىنىڭ ماڭىزدى­لى­عى­نا توقتالدى. زاڭ جوبالارى تۋرالى دەپۋتاتتار الدىندا ەكونومي­كا­لىق دامۋ جانە ساۋدا ءمينيسترى قايرات كەلىمبەتوۆ پەن قارجى ءمينيسترى بولات ءجا­مىشەۆ بايانداما جاسادى. ال دەپۋتاتتار مەملەكەت قاراجاتىنىڭ شىعىسى مەن كىرىسى, الەۋمەتتىك سالالاردى قارجىلاندىرۋدى ارتتىرۋ, اپاتتى جاعدايدا تۇرعان مەكتەپتەر ماسەلەسىن شەشۋ, ءوڭىر­لەردى دامىتۋ تۋرالى ۇسى­نىستارىن ءبىلدىردى. گۇل­جان قا­راعۇسوۆا ارىپتەستەرىنە ءوز ۇسىنىستارىن جۇمىس توبىنا جازباشا تۇردە بەرۋ جونىندە ءوتىنىش جاسادى. ەلدىڭ 2012–2016 جىل­دار­عا ارنالعان الەۋمەتتىك-ەكو­نومي­كا­لىق دامۋىنىڭ بول­­جامى قا­زاقستان رەپۋب­لي­­كا­سى­نىڭ 2020 جىلعا دەيىنگى دا­مۋىنىڭ سترا­تە­گيا­لىق جوس­پا­رى مەن مەملەكەت باسشى­سى­نىڭ «بولاشاقتىڭ ىرگەسىن بىرگە قالايمىز!» اتتى حالىققا جولداۋىندا جانە اعىمداعى جىلدىڭ 17 ءساۋى­رىن­دەگى ءماجى­لىستە ايقىن­دالعان ماقساتتار مەن مىندەتتەردى جۇزەگە اسىرۋ ءۇشىن ازىرلەندى. ەكونوميكالىق دامۋ جانە ساۋدا مينيسترلىگىنىڭ مالىمە­تىنە سۇيەنسەك, ءىجو-ءنىڭ ناق­تى ءوسۋى مەن سالالارداعى ناق­­تى كولەم يندەكسى (نكي) بول­جام­دارى 2012–2016 جىل­­دا­رى وزەك­­تەن­دىرىلگەن يندۋس­تريا­لاندىرۋ كارتاسىنا ءساي­كەس ينۆەستي­تسيالىق جوبا­لار­دىڭ جۇزەگە اسىرىلۋى مەن جاڭا ءون­دىرىستەردى ىسكە قوسۋدى ەسەپكە العاندا ەكو­نوميكانىڭ 7%-دىق ءوسۋىن قامتاماسىز ەتەتىن ينديكاتيۆتى كورسەت­كىشتەرگە ءساي­كەس بولادى. 2012 جىلى بازالىق ستسەناري ءۇشىن مۇنايعا دەگەن باعانىڭ بولجامدى دەڭ­گەيى 80 دوللار/باررەلدى قۇراي­دى, ال 2013-2016 جىلداردا 70 دوللار دەڭ­گەيىندە بولا­دى. ورتا مەرزىمدى كەزەڭدە ينفلياتسيانى جوسپارلاعان 6-8% ءدالىزىن­دە ۇستاپ تۇرۋ باسىم ماق­سات بولىپ تا­بىلادى. الەۋمەتتىك-ەكونومي­كا­لىق ساياساتتىڭ نەگىزگى با­عىت­تارىن ەسەپكە الا وتى­رىپ 2012-2014 جىلدارعا ارنالعان باسىم رەسپۋب­لي­كا­لىق بيۋدجەتتىك ينۆەستيتسيالار تىزبەسى قالىپتاس­تى­رىلدى. بيۋدجەت شىعىستارى با­سىمدىق رەتىندە: – يندۋستريالاندىرۋ باع­­دارلاماسىنا; – الەۋمەتتىك سالانى جاڭ­عىرتۋعا; – حالىقتىڭ تۇرمىس دەڭ­گەيىن جاقسارتۋعا; – وڭىرلەردىڭ ورنىقتى دا­مۋىنا; – مەملەكەتتىك قىزمەت ساپاسىن كوتەرۋ جانە مەملەكەتتىك فۋنكتسيالاردى ىسكە اسىرۋعا باعىتتالعان. بيۋدجەت كودەكسىنىڭ 24-با­بىنىڭ 2-تارماعىنا ءساي­كەس «قازاقستان رەسپۋبليكاسى ۇلتتىق قورىنان 2012-2014 جىلدارعا ارنالعان كەپىلدەندىرىلگەن ترانسفەرت تۋ­رالى» زاڭ جوباسى ءازىر­لەن­گەن. ۇلتتىق قور­دىڭ قارا­جاتىن قالىپ­تاس­تىرۋ جانە پايدالانۋ تۇ­جى­رىم­دا­ما­سىنا سايكەس رەس­پۋبليكالىق بيۋدجەتكە بەرىلەتىن كەپىلدەندىرىلگەن ترانسفەرت ءابسوليۋتتى ءمان­دە جىل سايىن 1200 ملرد. تەڭگە دەڭگەيىندە تىركەلدى. ۇلتتىق قوردىڭ تۇجى­رىم­داماسىندا انىقتال­عان, كەپىلدەندىرىلگەن ترانس­فەرت­تى 2012 جىلى جىبەرگەن جاع­داي­دا ءتيىستى قارجى جى­لى­نىڭ سوڭىنا ىشكى جال­پى ءونى­م­­نىڭ بولجامدى ءمانىنىڭ 20%-ى مولشە­رىن­دەگى ازاي­تىل­­ماي­تىن قال­دى­عى ساقتا­لا­دى جانە اتال­عان كورسەتكىش بول­جام بويىنشا 30,1%-دى قۇرايدى. زاڭ جوباسى بويىنشا قۇ­رىلعان جۇمىس توبىنا ءما­جى­لىستىڭ قارجى جانە بيۋد­جەت كوميتەتىنىڭ ءمۇ­شەسى سان­سىزباي ەسىلوۆ جەتەكشىلىك جاسايدى. ەندى زاڭ جوبا­سى جۇمىس توبى­نىڭ وتىرىس­تارىندا تال­قىعا تۇسەدى.