ءCىز نە دەيسىز؟

ءوڭىر تولىق ەنەرگەتيكالىق تاۋەلسىزدىككە جەتە الا ما؟ كەشەگى كەڭەستىك كەزەڭدە ورال ءوڭىرى قازاقستاننىڭ ءبىر­­ىڭعاي ەلەكتر جۇيەسىنەن تىم وقشاۋ ورنالاستى. سون­دىقتان دا وبلىس تۇر­عىن­دارى رەسەيدەن تاسىمال­دا­ناتىن ەلەكتر ەنەرگياسىنا كىرىپتار بولدى. تاۋەل­سىز­دىكتىڭ العاشقى جىل­دا­رىن­دا مۇنداعى ەلەكتر قۋاتى­نىڭ يمپورتى 80 پايىزعا دەيىن جەتكەنى جونىندە دەرەكتەر بار. ال بۇگىنگى كورىنىس قانداي؟ «ەگەمەن قازاقستان» گازەتىنىڭ باتىس قازاقستان وبلىسىنداعى ءتىلشىسى تەمىر قۇسايىن باتىس قازاقستان وبلىستىق ەنەرگەتيكا جانە كوممۋنالدىق شارۋاشىلىق باسقارماسىنىڭ ءبولىم باستىعى قۋانىش شارافۋتدينگە: – ءسىز بۇعان نە دەيسىز؟ – بۇل ءىس ەگەمەندىكتىڭ ەلەڭ-الاڭىنىڭ وزىندە قولعا الىن­دى. وسى ماقساتتا ايماق اۋما­عىندا بىرنەشە گازتۋر­بي­نا­لىق ەلەكتر ستانسالارى سا­لىنىپ, ىسكە قوسىلدى. ونىڭ ءبىرى كيوتو حاتتاماسى بوي­ىن­شا قازاقستاندا ىسكە اسى­رىل­عان تۇڭعىش جوبا بولاتىن. سونىڭ ناتيجەسىندە ەنەرگە­تي­كا يمپورتى 20 پايىزعا دەيىن تومەندەدى. بۇعان قوسا, چينارەۆ كەنىشىندە وندىرىستىك قاجەتتىلىكتى قامتاماسىز ەتە الاتىن گازتۋربينالىق قون­دىر­عىنىڭ قۇرىلىسى اياقتا­لىپ كەلەدى. بۇگىنگى كۇنى باتىس قازاق­ستان وبلىسى ەنەرگەتيكالىق تاۋەلسىزدىكتىڭ قارساڭىندا تۇر دەپ ءتۇيىن جاساۋعا تولىق نەگىز بار. قازىر ەنەرگەتيكا يم­پورتى ۇلەسىن نەبارى 2-3 پاي­ىز­عا دەيىن تۇسىرۋگە ءمۇم­كىن­دىك تۋىپ وتىر. الايدا, بوكەي ورداسى, جانىبەك اۋدان­دا­رى­نىڭ ورتالىقتارى جانە جاق­سىباي اۋىلى رەسەي فەدە­را­تسياسىنىڭ ەنەرگەتيكالىق ءجۇي­ەسىنە قوسىلعان. بۇل ەلدى مەكەندەر وبلىس ورتالىعىنان شالعاي ءارى رەسەي فەدەراتسيا­سى­مەن شەكارالاس ورنالاس­قان. سوندىقتان «الىستان اربالاعانشا, جاقىننان دوربالا» دەگەن ۇستانىمنىڭ ءدال وسى ارادا قاجەت ەكەنى دە تالاس تۋعىزبايدى. نەسى بار, كور­شىمەن قارىم-قاتىناسى­مىز جاقسى. ەندەشە, وڭتايلى ءارى ءتيىمدى جولدان نەگە باس تارتامىز؟! دەگەنمەن, ەلەكترمەن جاب­دىق­تاۋ نىساندارىن جوسپار­لى جوندەۋ جۇمىستارى كەزىندە جانە قىس مەزگىلىندە ۇدە­مەلى جۇكتەمەنى قامتاماسىز ەتۋ ماقساتىندا باعاسى رەسەيلىكتەردەن ارزان ماڭ­عىس­تاۋ اتوم ەنەرگيا­سى كوم­بي­نا­تى­نان ەلەكتر قۋاتىن وبلىسقا جەت­كىزۋدىڭ رەزەرۆتىك سىزباسى ءازىر تۇر. ورال.