ستۋدەنتتەر تەكسەرىلۋدەن وتۋدە

جاڭا وقۋ جىلى باستال­عا­لى بەرى الماتى قا­لا­ل­ىق سپيد-ءتىڭ الدىن الۋ مەن كۇرەسۋ جونىندەگى ورتالىعى وقۋ مەكەمەلەرىندە ۆيچ ينفەك­تسيا­سى­نىڭ الدىن الۋ ءۇشىن اكتسيالار وتكىزىپ جاتىر. – زەرتتەۋلەر كورسەتىپ وتىرعان­داي, ۆيچ دەرتىن جۇقتىرۋعا بەيىم الەۋمەتتىك توپتاردىڭ ىشىندە ءبىرىنشى كەزەكتە جاستار بار. وكىنىشكە وراي, ولار يممۋن تاپشىلىعى ۆي­رۋ­سى­نىڭ جۇعۋ جولدارى مەن ودان قورعانۋدىڭ امالدارىن بىلە بەرمەيدى. سوندىق­تان دا جاستاردىڭ ۆيچ-ينفەك­تسيا­سى­نا شالدىعۋى وڭاي, – دەيدى مەديتسينا عىلىمدا­رىنىڭ كان­ديداتى تالعات باپيەۆ. – وسى ماسەلەگە وراي, قالا­لىق سپيد ورتالىعىنىڭ قىزمەتىن­دە­گى باسىم باعىتتىڭ ءبىرى – جاستارمەن جۇمىس ىستەۋ بولىپ تابىلماق. ال الما­تى­لىق ستۋدەنتتەر اراسىندا جۇرگىزىلىپ جاتقان اكتسيالار جاس­تار­عا ۆيچ جانە سپيد-ءتىڭ جۇعۋ جولدارى, ساقتانۋ جانە ۆيچ-پەن ءومىر ءسۇرىپ جاتقان ادامدارعا ءتۇسى­نىستىكپەن قا­راۋ تۋرالى تولىق اقپار بەرەدى. اكتسيا بارىسىندا ارناۋلى ماماندار لەكتسيا وقىپ, ترەنينگتەر ءجۇر­گىزىلىپ, جاستارعا ءوزىنىڭ دە, جا­قىن­دارىنىڭ دا دەنساۋلىعىنا ءجۇر­­دىم-باردىم قاراماۋ ناسيحاتتالادى. ەڭ باستىسى, قاجەت دەپ تاپقان ستۋدەنتتەر قۇپيا تۇردە تەگىن ۆيچ-كە تەكسەرىلىپ, مەديتسينا قىزمەت­كەر­لە­رى تاراپىنان كەڭەس الا الادى. بۇل ءۇشىن وقۋ مەكەمەلەرىنە قاجەتتى قۇ­رال-جابدىقتار ورناتىلعان ارنا­ۋلى ءموبيلدى لابوراتوريا كەلىپ, بىرنەشە مينۋتتىڭ ىشىندە ەكس­پرەسس-تەستى­لەۋدىڭ كومەگىمەن قاندا ۆيرۋس بار-جوعىن انىقتاپ بەرە الادى. الماتى قالاسىنداعى سپيد ور­تالىعىنىڭ جىلجىمالى لابو­را­تو­ريا­سى قمەبي, س.اسفەندياروۆ ات­ىن­داعى ۇلتتىق مەدي­تسي­نا­لىق, قازاق مەملەكەتتىك قىزدار پە­داگوگيكالىق ۋنيۆەرسيتەتتەرى, اگ­رارلىق كوللەدج سياقتى وقۋ ورىندارىنا بارادى. وسى ارادا 2011 جىلدىڭ ال­عاش­قى جارتى جىلدىعىندا, ياعني 1 شىلدەگە دەيىن رەسپۋبليكامىزدا وسىڭكى قورىتىندىمەن 16741 ۆيچ-پوزي­تيۆ­تى ادام انىقتالعانىن ايتا كەتسەك دەيمىز. بۇل – 100 مىڭ ادامعا 101,8 ادامنان كەلەدى دەگەن ءسوز. ايناش ەسالي. الماتى.