قارادومالاقتار قۋانىشى

بايان­اۋ­ىل­دىڭ قوينىن­دا­عى كوپ اۋىل­دا­ردىڭ ءبىرى – قارا­­جار, ەكىنشىسى قا­راتومار دەپ اتا­لادى. ەكەۋى دە اقسان اۋىلدىق اۋ­ما­عىنا قاراي­دى. قازىر قاراپ وتىرعانى ءبىر مەكتەپ بول­عان سوڭ, جىل ساي­ىن 1-سىنىپ­قا كەلەتىن بالا سانىنىڭ كوبەيگەنى ارينە, اۋىل ءۇشىن قۋانىش. وتكەن جىلى بايا­ن­اۋىلدىق 213 انا «ال­تىن القا» السا, 272 انا «كۇمىس القا» يەگەرلەرى اتانىپتى. ال, ەلىمىزدە قا­بىل­دانعان «بالاپان» باع­دار­لا­ما­سى ارقىلى مەكتەپ جانى­نان اشىلىپ جاتقان شاعىن ورتا­لىق­تار بولسا, ۇيدە وتىرعان اۋ­ىل­دىڭ قارادوما­لاق­تارىن ولاردىڭ, اتا-انالارىن تاعى ءبىر قۋانتتى. قا­راجار اۋىلىنداعى جالپى ءبىلىم بەرەتىن ورتا مەكتەپتىڭ نەگىزىندە اشىلعان «نۇراي» اتتى شاعىن ورتالىققا بۇل كۇندە ون بالا كەلىپ ءجۇر. اۋدان اكىمدىگى بۇل ور­تالىقتى اشۋ ءۇشىن 1 ميلليون 145 مىڭ تەڭگە جۇمساپتى. مەكتەپ ديرەك­تورى ايناگۇل شوماقو­ۆا­نىڭ ايتۋ­ىن­شا, اۋىلدا بەس جاسقا دەيىنگى تاعى دا ەلۋ شاقتى بالا بار ەكەن. قازىرگى كەزدە شاعىن ور­تالىقتى 20-30 بالاعا لايىقتاپ قايتا قالىپ­تاس­تىرۋ جۇمىستارى قولعا الىنۋدا. شا­عىن ورتالىقتا اۋىلدىڭ توعىز ادامى جۇمىس جا­سايدى. مىسالى, اقبوتا باپي وب­لىس ورتالىعىنداعى پەدا­گوگيكا­لىق كوللەدج ءبىتىرىپ, ال­ىس­­تاعى اۋىلعا كەلىپتى. ال, كورشىلەس قا­را­تومار اۋىلىنداعى جالپى ءبىلىم بەرەتىن ورتا مەكتەپ جانىنان اشىل­عان «ءمولدىر» اتتى شاعىن ورتا­لىق­قا 43 بالا كەلەدى. اۋىل­دىڭ قىز-كەلىنشەكتەرىنە دە جۇ­مىس تابىلدى. ەكى شاعىن ورتا­لىق­تا دا بالاباق­شا­داعىداي بار­لىق جاعداي جاسالعان. اۋدان اكى­مى ەرنۇر ايتكەنوۆتىڭ ايتۋ­­ىن­شا, اۋىل ءىشى «بالاپان» – يگىلىككە, جاق­سىلىققا وراي جاسالعان باع­دارلاما دەپ وتىر ەكەن. ال, اۋداندا قازىرگى كەزدە 15 اۋىلدا وسىن­داي شاعىن ورتالىقتار جانە 4 با­لاباقشا جۇمىس جاسايدى. فاريدا بىقاي. پاۆلودار وبلىسى, باياناۋىل اۋدانى.