ءتومميدىڭ تاسى ورگە دومالادى

ءتورت كۇنگە سوزىلعان VII حالىقارالىق «Kazakhstan Open» گولف ءتۋرنيرى ءوز مارەسىنە جەتتى. الەمنىڭ ءار تۇكپىرىنەن يمەك تاياعىن سىعىمداي ۇستاپ جەتكەن 130 سپورتشىنىڭ ىشىنەن بۇل جولى اعىلشىن جىگىتى توممي فليتۆۋدتىڭ جۇلدىزى جاندى. 64 مىڭ ەۋرونى قان­جى­عاسىنا بايلاعان جيىرما جاستاعى جاس ويىنشى ءوزىنىڭ سپورتتاعى مارتەبەسىن تاعى ءبىر ساتىعا بيىكتەتىپ, ەۋروپا تورىندە وتەتىن European تour گولف تۋرنيرىنە قاتىسۋ جولداماسىنا يە بولىپ قانا قويماي, وتانىنا ابىرويمەن اتتاندى. ءۇشىنشى راۋندتان كەيىن جو­عا­رى كورسەتكىشپەن العا وزعان ءۇش سەرى – توممي فليتۆۋد, كنۋت بور­شە جانە سايمون تورنتون­نىڭ اراسىندا اقتىق سايىس ءۇشىن قۇلاش سەرمەۋ باسەكەسى قىزۋ ءور­بىدى. ويىققا شار سالۋدىڭ ال­عاش­قى راۋندىنان سوڭعى ون سەگىزىنشى راۋندقا دەيىن ويىن تا­ما­شالاۋشى جۇرتتىڭ نازارى دا وسى ۇشەۋىندە بولعان ەدى. تالاي حالىقارالىق جارىستاردا وزا شاۋ­ىپ جۇرگەن كانىگى گولفشىلەر الاتاۋدىڭ باۋرايىنداعى «نۇر­تاۋ» كلۋبىنىڭ جاسىل الاڭىندا وتە تارتىمدى ويىن ورنەگىن كور­سەتكەنىمەن, اعىلشىن بالاسىن العا وزدىرىپ, بىرىنەن سوڭ ءبىرى ساپتان شىعىپ قالا بەردى. ال­عاشقى اينالىمدا يمەك تاياعىن يىققا ءىلىپ شىققانداردىڭ ىشىندە ءتورت بىردەي جەرلەسىمىز بار. وتكەن جولى ءسوز ەتكەن مىقتى­لارىمىز دا بۇل دودادا قۇلاشىن كەڭگە جايا المادى. ون سەگىزىنشى راۋندتا اعىل­شىن توممي مەن نورۆەگ كنۋت بور­شەم باس بايگە ءۇشىن باق سى­ناپ, بورشەمنىڭ ءبىر عانا قاتە سوق­قىسى فليتۆۋدتىڭ باعىن اس­ىر­دى. توممي 273 سوققى, ال كنۋت 275 سوققى جاسادى. ەكىنشى ورىن­عا نورۆەگيالىق سپورتشى تابان تىرەدى. ال يرلاند سايمون تورنتون مەن نەمىس بەرند ريتتحاممەر 276 سوققىمەن ءۇشىنشى ورىنعا ەكەۋلەپ جەتتى. ادەتتەگىدەي جە­ڭىم­پازبەن بولعان ءباسپاسوز ءماس­لي­حاتىندا توممي فليتۆۋد گولف ويناۋدى ون جاسىنان باس­تاعانىن, ۇستازى ءارى رۋحاني دەمەۋشىسى بولىپ جۇرگەن اكەسى بىرگە كەلىپ, قازاق كوگالىندا دا ءۇل­كەن دەم بەرگەندىگىن ايتتى. جەڭىمپازدار مەن وسى تۋرنيرگە اتسالىسقان وتاندىق كوم­پا­نيالاردى قازاقستان گولف فە­دەراتسياسىنىڭ پرەزيدەنتى نۇر­­­تاي ابىقاەۆ باعالى سىي­لىق­تار­مەن ماراپاتتادى. European challenge tour ەۋ­رو­پالىق دوداسىنا باستايتىن «Ka­zakhstan Open-2011» ءتۋرنيرىن ال­ماتى قالالىق اكىمدىگىنىڭ قول­­داۋىمەن قازاقستان گولف فە­دەراتسياسى «Nurtau» گولف كلۋ­بىندا ۇيىمداستىردى. قانات ەسكەندىر. الماتى. ––––––––––––––––– سۋرەتتى تۇسىرگەن بەرسىنبەك سارسەنوۆ.