وزگەرىستەر ەنگىزىلدى

2011 جىلدىڭ 10 قىركۇيەگىندە «ەگەمەن قازاقستان» جانە «كازاحستانسكايا پراۆدا» گازەتتەرىندە «قازاقستان رەسپۋبليكاسى مەملەكەتتىك قىزمەت ىستەرى جونىندەگى اگەنتتىگى توراعاسىنىڭ «مەملەكەتتىك قىزمەتشىلەردىڭ قىزمەت ءتىزىمى ۇلگىسىن بەكىتۋ تۋرالى» 2003 جىلعى 29 ساۋىردەگى №02-01-02/59 بۇيرىعىنا وزگەرىس ەنگىزۋ تۋرا­لى» مەملەكەتتىك قىزمەت ىستەرى جونىندەگى اگەنتتىگى توراعاسىنىڭ بۇيرىعى جاريالانعان بولاتىن. بۇيرىقتىڭ تۇسىندىرمەسىنە ءساي­­­­كەس, ازاماتتاردىڭ ءوز قابىلەتتەرى مەن كاسىبي دايارلىعىنا سايكەس مەملەكەتتىك قىزمەت بويىنشا جو­عارىلاۋ قۇقىعى مەملەكەتتىك قىز­مەتتىڭ ماڭىزدى پرينتسيپتەرىنىڭ ءبىرى بولىپ تابىلاتىن جالپى قول­جەتىمدىلىك پرينتسيپىنە نەگىزدەلەدى. بۇل پرينتسيپ «مەملەكەتتىك قىز­مەت تۋرالى» زاڭدا بەكىتىلگەن. زاڭنىڭ 8-بابىندا مەملە­كەت­تiك قىزمەتشiنiڭ بiلiكتiلiگi مەن قابىلەتi, ءوزiنiڭ قىزمەتتiك مiندەت­تە­رiن ادال ورىنداۋى ەسكەرىلە وتى­رىپ, قىزمەتi بويىنشا جوعا­رى­ل­اتىلۋعا قۇقىعى بەكىتىلگەن. قازىرگى كەزدە بوس مەملەكەتتىك اكىمشىلىك لاۋازىمدارعا بارلىق تاعايىنداۋلاردىڭ 70%-ىنا دەيىن اۋىسۋ تارتىبىمەن جۇزەگە اسىرى­لا­دى. بۇل شامامەن جىلىنا 22 000 تاعايىنداۋدى قۇرايدى. زاڭناماعا سايكەس, مۇنداي جاع­دايدا مەملەكەتتىك قىزمەتشى بوس لاۋازىمعا قويىلاتىن بىلىكتىلىك تا­لاپتارىنا ساي بولۋى ءتيىس. سو­نى­مەن قاتار, مەملەكەتتىك قىز­مەت­شىنىڭ وزىنە قويىلاتىن نەگىزگى تالاپتارى ەكەۋ-اق: جۇمىس ءوتىلى مەن ءبىلىمى بويىنشا تالاپتار. وسىلايشا, ەگەر مەملەكەتتىك قىزمەتشىنىڭ جەتكىلىكتى جۇمىس ءوتىلى مەن ءتيىستى ديپلومى بولسا, ون­دا ول ءتيىستى لاۋازىمعا اۋىسۋ ءتار­تىبىمەن تاعايىندالا الادى. بۇل رەتتە, ونىڭ بۇرىنعى لاۋا­زىم­داعى جۇمىس ناتيجەلەرى, ونىڭ قىزمەتتىك مىندەتتەرىن ورىنداۋى­نا بەرىلگەن باعا, كاسىبي جانە جەكە قاسيەتتەرى, باسقا دا ناقتى قا­بى­لەتتەرى, سونداي-اق كاسىبي داي­ىن­دىعىنىڭ كورسەتكىشتەرى ەسكەرىلمەيدى. شىن مانىندە, مەملەكەتتىك قىز­مەتشىنى كونكۋرسسىز اۋىسۋ ءتار­تىبىمەن تاعايىنداعان جاعدايدا, ونىڭ جوعارىدا اتالعان قاسيەت­تەرىن باعالاۋدى بۇرىنعى جۇمىس ورنىنىڭ بەرۋىن قامتاماسىز ەتەتىن تولىققاندى تەتىك جوق. مەملەكەتتىك ورگان ءوزىنىڭ قىزمەتكەرىن قابىلداۋ تۋرالى شەشىم قابىل­داعالى جاتقان مەملەكەتتىك ور­گان­عا اۋىسىپ جاتقان قىزمەت­شى­سىنىڭ جوعارىدا اتالعان كورسەت­كىش­تەرى تۋرالى باعانى بەرۋى مىندەتتى ەمەس. وسىعان بايلانىستى اگەنتتىك­تىڭ وسى بۇيرىعى زاڭناما بوي­ىن­شا ءاربىر مەملەكەتتىك قىزمەتشىگە تولتىرىلاتىن جانە بوس لاۋازىم­دىق ورنى بار مەملەكەتتىك ورگان مەملەكەتتىك قىزمەتشىنى اۋىسۋ تارتىبىمەن تاعايىنداۋدى كەلىسۋ ءۇشىن اگەنتتىككە ۇسىناتىن قۇجات­قا – قىزمەت تىزىمىنە وزگەرىستەر ەنگىزۋدى كوزدەيدى. بۇيرىق جانە ونىڭ ءتۇسىن­دىر­مە­سى تۋرالى تولىق اقپارات مەملەكەتتىك قىزمەت ىستەرى جونىندەگى اگەنتتىكتىڭ www.kyzmet.kz رەسمي ۆەب-سايتىندا ورنالاسقان.