تالاپكەرلەرگە تارتۋ

زامان تالابىنا قاراي وقۋ­شىلارعا مەكتەپتەن باستاپ, ءبىلىم بەرۋدىڭ جاڭا جۇيەسىن مەڭگەرتۋ قاجەتتىگى تۋىنداپ وتىر. اسىرەسە, جاڭا تەحنيكانى, تەحنولوگيانى پايدالانىپ, قاشىقتىقتان وقى­تۋدى جۇزەگە اسىرۋ سوڭعى جىل­دارى ەلىمىزدە كەڭ قانات جايا باستادى. سونىڭ ءبىر دالەلىندەي, وتكەن دۇيسەنبى كۇنى ەلورداداعى №53 مەكتەپ-ليتسەيدىڭ بازاسىندا «e-Iearning» ەلەكتروندى وقىتۋ جۇيەسىنىڭ قاناتقاقتى جوباسى ىسكە قوسىلدى. بۇل ەلىمىزدىڭ 2011-2012 جىلدارعا ارنالعان مەملەكەتتىك باعدارلاماسىنىڭ اياسىندا ورىن­دالعان جۇمىس. ونىڭ تۇساۋكەسەر راسىمىنە ءبىلىم جانە عىلىم ءمينيسترى ب.جۇماعۇلوۆ, بايلانىس جانە اقپارات ءمينيسترى ا.جۇماعاليەۆ قاتىستى. جاڭا وقۋ جىلىندا اتقارىل­عان بۇل ءىس استانا – الماتى قالالارى مەن قاراعاندى وبلىس­تارىن ەلەكتروندى وقىتۋ جۇيە­سىمەن قامتيتىن 44 ءبىلىم بەرۋ ۇيىمدارىنىڭ اراسىن جالعاس­تىرادى. ولاردىڭ قاتارىندا مەكتەپ, كوللەدج جانە كاسىپتىك ليتسەيلەر بار. بۇل جۇيە وقۋشىنىڭ تۇرعىلىقتى جەرىنە قاراماستان, اۋىل, قالا دەمەي, بارىندە دە وقىتىلا بەرەدى. مۇنداي جاقسى قادام اۋىل مەكتەبى مەن قالا مەكتەبىنىڭ اراسىنداعى الشاق­تىقتى جويۋعا سەپتىگىن تيگىزەرى ءسوزسىز. بۇل قۇرىلىم ينتەرنەتكە قوسىلاتىن بولادى. وزگە دە ماتەريالدىق-تەحنيكالىق جاب­دىق­تار ورناتۋ كوزدەلگەن. سول سەكىلدى ءبىلىم بەرۋ ۇلگىسىن تولىق اۆتوماتتاندىرۋ ارقىلى مۇعالىم­دەردىڭ جۇمىسىن جاقسارتۋعا, ولاردىڭ ساباققا دايىندالۋىنا ەداۋىر جەڭىلدىكتەر جاسايتىنىن دا ايتا كەتكەنىمىز ءلازىم. بۇل جوبانىڭ جۇزەگە اسىرىلۋى ەكى كەزەڭنەن تۇرادى. ءبىرىنشى كەزەڭدە (2011-2015) ءبىلىم بەرۋ ۇيىم­دارىنىڭ 50 پايىزى, ال ەكىنشى كەزەڭدە (2016-2020) 90 پايىزى ىسكە قوسىلماق. سۇلەيمەن مامەت.