سقو اكىمى جاتتىقتىرۋشىلارعا پاتەر سىيلادى

اقباس الاتاۋ باۋرايىندا جوعارى دەڭگەيدە ۇيىمداس­تى­رىل­عان ءححVىىى دۇنيەجۇزىلىك قىس­قى ۋنيۆەرسيادا ويىندارىندا سولتۇستىكقازاقستاندىق سپورتشىلار اراسىنان رينات مۋحين جار­قىراي كورىندى. ول ەرلەر اراسىندا وتكەن شاڭعى جارىسىنىڭ 7,5 شاقى­رىمدىق كوماندالىق ەستافەتاسىندا كۇمىس مەدال ولجالاعان بولاتىن. وبلىس اكىمى بايراقتى باسە­كەگە قاتىسقان سپورتشىلار مەن ولاردىڭ باپكەرلەرىن قابىلداپ, ۇلكەن قۇرمەت كورسەتتى. ەكى جىلدا ءبىر رەت ۇيىمداستىرىلاتىن ءدۇبىرلى دودادا جەرلەستەرىمىزدىڭ جاقسى جەتىستىكتەرگە جەتكەنىن اتاپ كورسەتتى. ماسەلەن, كون­كي­شىلەر تاتيانا كليمچۋك 5000 مەتر مەن 3 شاقىرىم قاشىقتىقتا بەسىنشى, رومان كەرچ 500 مەترلىك قاشىقتىقتا جەتىنشى, 1000 مەترلىك قاشىقتىقتا سەگىزىنشى ناتيجە كور­سەتىپ, ۇزدىك وندىققا ەندى. ءوڭىر باسشىسى ريناتتىڭ بارشا قازاقستاندىقتاردىڭ سەنىمىن اقتاي بىلگەنىنە ريزاشىلىق ءبىلدى­رىپ, العىس حاتپەن جانە اقشا­لاي سىيلىقپەن ماراپاتتادى. ال ونىڭ اتا-اناسى جانە جاتتىق­تىرۋ­­شىلارى الەكساندر, ءساۋ­لە مۋحيندەرگە ءۇش بولمەلى ءپا­تەر­دىڭ كىلتىن تابىس ەتتى. ساناۋلى كۇندەردەن كەيىن جاپونيانىڭ ساپپورو قالاسىندا VIII قىسقى ازيا ويىندارى باس­تالادى. وندا شاڭعىشى رينات مۋ­حين, كونكيشىلەر رومان كەرچ, دميتري بابەنكو, ەلەنا ۋر­ۆان­تسەۆا, تاتيانا كليمچۋك قازاق­ستان نامىسىن قورعايتىن بولا­دى. ءومىر ەسقالي, «ەگەمەن قازاقستان» سولتۇستىك قازاقستان وبلىسى