97,69 پايىز داۋىسپەن جەڭىسكە جەتتى

تۇرىكمەنستاننىڭ قازىرگى باس­شىسى گۋربانگۋلى بەردىم­ۇ­حام­ەدوۆ تۇرىكمەنستان پرەزيدەنتى بولىپ قايتا سايلاندى. ەلدىڭ ورتالىق سايلاۋ كوميسسياسى وسىمەن ءۇشىنشى رەت رەسپۋبليكا پرەزيدەنتى بولىپ سايلانعان گ.بەردىمۇحامەدوۆ بۇل جولى 97,69 پايىز داۋىس جيناعانىن رەسمي تۇردە مالىمدەدى. سونىمەن قاتار, سايلاۋلار مەن رەفەرەندۋمدار وتكىزۋ جونىندەگى ورتالىق سايلاۋ كوميسسياسىنىڭ ءتور­ا­عا­سى جەكسەنبى كۇنى وتكەن سايلاۋعا حا­لىق­تىڭ 97,27%-ى قاتىسقانىن حابار­لادى. زاڭ بويىنشا, تۇرىكمەنستان پرە­­زيدەنتتىگىنەن ۇمىتكەر داۋىس بە­رۋ­شى­لەردىڭ جارتىسىنان كوبىنىڭ داۋىسىن جيناۋ كەرەك بولاتىن. ال رەسمي ءما­لىمەتكە قاراعاندا, سايلاۋعا داۋىس بە­رۋ قۇقىعى بار ازاماتتاردىڭ 97 پاي­ىزى قاتىسقان. بۇل – رەكوردتىق كور­سەتكىش. وتكەن جىلدىڭ 14 قىركۇيەگىندە قا­بىلدانعان تۇرىكمەنستاننىڭ جاڭا كونستيتۋتسياسىنا سايكەس, پرەزيدەنتتىك وكىلەتتىگى 7 جىلعا دەيىن ۇزارتىلىپ, پرەزيدەنت بولۋ ءۇشىن 70 جاسقا دەيىنگى شەكتەۋدىڭ الىنىپ تاستالعانى بەلگىلى. جاڭا كونستيتۋتسيا تالابىنا سايكەس, گ.بەردىمۇحامەدوۆ ەندى ەلدى الداعى 7 جىل بويى باسقارادى. تۇرىكمەنستانداعى سايلاۋ پرو­تسە­سىن حالىقارالىق بايقاۋشىلار ساي­­لاۋعا جاستاردىڭ دا كوپ قا­تىس­قا­نىن ءما­لىمدەدى. ولار دا اتالعان ەل­دەگى پرە­زيدەنتتىك سايلاۋ ۇلتتىق زاڭ­نا­ما­لار مەن مەملەكەتتىڭ حالىقارالىق سا­لا­داعى قابىلداعان مىندەتتەمەلەرىنە ساي وتكەنى تۋرالى قورىتىندى جاسادى. سونىمەن قاتار, شانحاي ىن­تى­­ماق­­تاستىق ۇيىمىنىڭ وكىل­دەرى دە­ داۋ­ىس بەرۋ بارىسىندا بىرقاتار جە­­­كە­­لە­­گەن تەحنيكالىق ولقى­لىق­تار­ ۇشى­راس­قانىمەن, ونىڭ ساي­لاۋ­شى­­لار­دىڭ تاڭ­داۋ ناتيجەسىنە اسەرى بول­م­ا­عانىن جاريا ەتتى.