مەملەكەت باسشىسى تۇرىكمەنستان پرەزيدەنتىن قۇتتىقتادى

مەملەكەت باسشىسى نۇرسۇلتان نازارباەۆ گۋربانگۋلى بەردىمۇحامەدوۆكە تۇرىكمەنستان پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلايدى اقوردانىڭ رەسمي سايتى. قازاقستان پرەزيدەنتى جەكە ءوزىنىڭ جانە ەل حالقىنىڭ اتىنان گ.بەردىمۇحامەدوۆتى تۇرىكمەنستانداعى پرەزيدەنت سايلاۋىندا جەتكەن جەڭىسىمەن قۇتتىقتادى. «وتكەن سايلاۋ ناتيجەسى – حالىقتىڭ تۇرمىس دەڭگەيىن ارتتىرىپ, ەلدىڭ حالىقارالىق بەدەلىن نىعايتۋ جولىنداعى ءسىزدىڭ جۇزەگە اسىرىپ وتىرعان ساياساتىڭىزعا تۇرىكمەنستان ازاماتتارىنىڭ سەنىمىنىڭ جانە قولداۋىنىڭ كورسەتكىشى. ديپلوماتيالىق قارىم-قاتىناس ورناعاننان باستاپ قازاقستان مەن تۇرىكمەنستاننىڭ ستراتەگيالىق ارىپتەستىگى جىل وتكەن سايىن قارقىن الىپ كەلەدى. «قازاقستان تۇرىكمەن حالقىنىڭ بىرلىگىن, ەلدىڭ ساياسي جانە ەكونوميكالىق دامۋىن نىعايتۋداعى ءسىزدىڭ ەڭبەگىڭىزدى جوعارى باعالايدى», – دەلىنگەن جەدەلحاتتا. سونداي-اق, مەملەكەت باسشىسى تۇرىكمەنستان پرەزيدەنتىن جاقىن ارادا قازاقستانعا ساپارمەن كەلۋگە شاقىردى.