وڭتۇستىك قازاقستاندا بىلتىر 600 مىڭ توننا ۇن ەكسپورتتالدى

وڭتۇستىك قازاقستان وبلىسىنىڭ ۇن تارتۋشى كاسىپورىندارى وتكەن جىلى 801 255 توننا ۇن تارتىپ, 269 900 توننا كەبەك شىعارعان. شىعارىلعان ۇن ونىمدەرىنىڭ قۇنى 62 825 ملن تەڭگەنى قۇرايدى. بۇل تۋرالى وبلىستىق كاسىپكەرلىك, يندۋستريالدى-يننوۆاتسيالىق دامۋ جانە تۋريزم باسقارماسىنىڭ ماماندارى ءمالىم ەتتى, دەپ حابارلايدى bnews.kz تارتىلعان ۇننىڭ 600 مىڭ تونناعا جۋىعى ەكسپورتتالىپ, تاجىكستان, تۇرىكمەنستان, وزبەكستان, اۋعانستان, يراك, قىتاي جانە مونعوليا ەلدەرىنىڭ نارىعىنا شىعارىلعان. جالپى, وڭىردە ۇن تارتۋ كاسىبىمەن ون شاقتى سەرىكتەستىك اينالىسادى. اتاپ ايتقاندا, ولار – «التىن-ءدان» جشس, «Miller & K» جشس, «Kasimhan Grain Products» جشس, «اقنان» جشس, «يۋگپيششەپروم» جشس, «داني-نان» جشس, «اق مارجان LTD» جشس, «ورداباسى نان» جشس, «Grain House 555» جشس, «ەراسىل-2030» جشس. ولاردىڭ ىشىندە «التىن ءدان» جشس, «ەراسىل-2030» جشس, "داني-نان-Group" جشس, «Kasimhan Grain Products» جشس, "اسىل-LTD" جشس نەگىزگى ەكسپورتتاۋشى كومپانيالار بولىپ تابىلادى.