اقمولادان قىتايعا استىق جونەلتىلدى

اقمولا تەمىرجول بولىمشەسىنىڭ توڭكەرىس ستانساسىنان قىتاي حالىق رەسپۋبليكاسىنىڭ سيان قالاسىنا كونتەينەرلىك ۆاگوندارمەن قاپتالعان استىق جونەلتىلدى, دەپ حابارلايدى «قازاقستان تەمىر جولى» ۇلتتىق كومپانياسىنىڭ ءباسپاسوز قىزمەتى. قاناتقاتى جوبانى «قتج» ۇك» اق ەنشىلەس كاسىپورنى - «KTZ Express» اق قىتايلىق سەرىكتەسىمەن (حالىقارالىق مۋلتيمودالدىق كولىك كومپانياسى «CRIMT») بىرلەسىپ ۇيىمداستىردى. بوس كونتەينەرلەر استىق ەلەۆاتورلارىنا كونتەينەر تاسىمالداۋ تەحنيكاسىمەن جەتكىزىلىپ, پويىزدىڭ جىلجىمالى قۇرامى تۇگەلدەي قاپتالعان استىقپەن تولتىرىلدى. ونىڭ قۇرامىندا جيىرما فۋتتىق KTZU جەكەمەنشىگىندەگى كونتەينەرلىك ءجۇز ۆاگونعا بارلىعى 1800 توننا قاپتالعان استىق تيەلدى. «KTZ Express» اق كونتەينەرلىك جانە عالامدىق جۇك جەتكىزۋدى دامىتۋ ماقساتىندا تاپسىرىس بەرۋشىلەرگە بارىنشا قولايلى جاعداي جاساپ, كونتەينەرلىك مۋلتيمودالدىق جەتكىزۋ سحەماسىنا اۆتوكولىك قىزمەتىن تارتۋ مەن قازاقستاندىق ينفراقۇرىلىمدى ءتيىمدى پايدالانۋ جولدارىن ۇسىنىپ وتىر.