• 13 اقپان, 2017

كاسىپكەرلەرگە كورسەتىلەتىن قىسىم ازايادى

255 رەت

كورسەتىلدى

2 مين

وقۋ ءۇشىن

Egemen Qazaqstan

بيزنەستى قايتا رەتتەۋ باقىلاۋشى مەملەكەتتىك ورگاندار تاراپىنان كورسەتىلەتىن قىسىمدى تومەندەتەدى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا ۇلتتىق ەكونوميكا مينيسترلىگى كاسىپكەرلىكتى دامىتۋ دەپارتامەنتىنىڭ ديرەكتورى عاليا جولدىباەۆا ءمالىم ەتتى. ول مەملەكەت باسشىسىنىڭ بيزنەستى قايتا رەتتەۋ بويىنشا جۇيەلى شارالاردى ازىرلەۋ مىندەتىن انىقتاعانىن جانە باقىلاۋ-قاداعالاۋ فۋنكتسيالارىنىڭ سانىنا اۋقىمدى تەكسەرۋ جۇرگىزۋدى تاپسىرعانىن ەسكە سالدى. «اعىمداعى جىلدىڭ سوڭىنا دەيىن كاسىپكەرلىك كودەكسكە, سالالىق زاڭدارعا قايتالاناتىن باقىلاۋ جانە قاداعالاۋ سالالارىن الىپ تاستاۋ جانە تەكسەرۋ جۇرگىزۋدىڭ جالپى تارتىبىنە جاتپايتىن سالالاردى اۋىستىرۋ بويىنشا تۇزەتۋلەر ازىرلەنەتىن بولادى», – دەپ مالىمدەدى ع.جولدىباەۆا. ونىڭ ايتۋىنشا, رەۆيزيا كاسىپكەرلىك سۋبەكتىلەرىنە باقىلاۋشى مەملەكەتتىك ورگاندار تاراپىنان قىسىمدى ازايتۋعا مۇمكىندىك بەرەدى, مەملەكەتتىك باقىلاۋ مەن قاداعالاۋ زاڭناماسىن جەتىلدىرۋدى قامتاماسىز ەتەدى, باقىلاۋ مەن قاداعالاۋدى جۇزەگە اسىرۋ كەزىندە سىبايلاس جەمقورلىق سيپاتىنداعى قۇرامداعىشتاردى الىپ تاستاۋعا جاردەمدەسەدى, سونداي-اق ەلدە كاسىپكەرلىكتىڭ دامۋىنا جاڭا سەرپىن بەرەدى. سونىمەن قاتار, بيزنەستى قورعاۋ جانە قولدانىستاعى اكىمشىلىك كەدەرگىلەردى جويۋ ماقساتىندا مينيسترلىك مەملەكەتتىك ورگانداردىڭ جانە كۆازيمەملەكەتتىك سەكتور سۋبەكتىلەرىنىڭ قىزمەتىنە تۇراقتى نەگىزدە تەكسەرۋلەر جۇرگىزەدى. ولار بيزنەسكە ەڭ كوپ قىسىم كورسەتەتىن سۋبەكتىلەرگە باعىتتالعان. «2016 جىلعى تەكسەرۋ ناتيجەلەرى مەملەكەتتىك ورگانداردىڭ بيزنەستى قولداۋ باعدارلامالارىن ىسكە اسىرۋ كەزىندە, سونداي-اق بيزنەس سۋبەكتىلەرىنىڭ قىزمەتىن رەتتەۋ كەزىندە ولاردىڭ قۇقىقتارى مەن زاڭدى مۇددەلەرىن ورەسكەل بۇزعاندىعىن كورسەتكەن. 2016 جىل بويىنشا مەملەكەتتىك مەكەمەلەردىڭ باسشىلارىنا قاتىستى 4,8 ملن. تەڭگە سوماسىنا 46 اكiمشiلiك قۇقىق بۇزۋشىلىق تۋرالى حاتتاما تولتىرىلعان (بۇگىنگى كۇنى 38 حاتتاما بويىنشا سوتتارمەن 4 ملن. تەڭگە سوماسىنا ايىپپۇل رەتىندە اكىمشىلىك جازا قولدانۋ تۋرالى قاۋلىلار شىعارىلدى), 40-تان استام لاۋازىمدىق تۇلعا تارتىپتىك جاۋاپكەرشىلىككە تارتىلعان», – دەپ اتاپ ءوتتى دەپارتامەنت ديرەكتورى.