دەپۋتاتتار نازارىنا الىناتىن بولدى

پارلامەنت ءماجىلىسىنىڭ دەپۋتاتتارى مۇرات تەمىرجانوۆ, سەرگەي زۆولسكي, پەتر شاراپاەۆ, يرينا ارونوۆا جانە يرينا ۋنجاكوۆا كوكشەتاۋ قالاسىنىڭ ىرگەسىن­دە ورنالاسقان كراسنىي يار اۋىلىنىڭ تۇرعىن­دارىمەن, «تىنىس» اق جانە «نوۆوپەك» جشس توقىما فابريكاسىنىڭ ەڭبەك ۇجىمدارىمەن كەزدەستى. حالىق قالاۋلىلارى مەملەكەت باسشىسىنىڭ جول­داۋىنداعى ماقسات-مىندەتتەردىڭ ورىندالۋى مەن وعان بارشانىڭ بىرلەسە كىرىسۋى, ەلىمىزدىڭ ءۇشىنشى جاڭ­عىرۋى جولىندا العا قويىلعان تاپسىرمالاردى ورىنداۋدىڭ تيىمدىلىگى مەن پايداسى جونىندە اڭگىمە ءوربىتتى. دەپۋتاتتار مۇرات تەمىرجانوۆ, سەرگەي زۆول­سكي جانە پەتر شاراپاەۆ «تىنىس» كاسىپورنى ۇجى­مى­مەن كەزدەسكەننەن كەيىن كاسىپورىننىڭ بۇگىنگى تىنىس-ءتىرشى­لىگىمەن تانىستى. «تىنىس» اق – اۆيا­تسيالىق قۇرال-جابدىقتاردىڭ 45 ءتۇرىن شىعارا­تىن ەلىمىزدەگى جالعىز زاۋىت. 1959 جىلدان بەرى جۇمىس ىستەپ تۇرعان مەكەمە 70-تەن استام ادامدى جۇمىسپەن قامتاماسىز ەتىپ وتىر. اقمولالىقتارمەن كەزدەسۋ بارىسىندا ايتىلعان ۇسىنىستار مەن تىلەكتەر دەپۋتاتتار نازارىنا الىندى. اسقار تۇراپباي ۇلى, «ەگەمەن قازاقستان» اقمولا وبلىسى