كوميتەت مۇشەلەرى حالىقپەن جۇزدەستى

پارلامەنت ءماجىلىسىنىڭ اگرارلىق ماسەلەلەر كوميتەتىنىڭ مۇشەلەرى رومان كيم, ايقىن قوڭىروۆ جانە بەرىك وسپانوۆ شىعىس قازاقستان وبلىسىنا جۇمىس ساپارلارى بارىسىندا پرەزيدەنت ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىن ءتۇسىندىرۋ ماقساتىندا كوپتەگەن كەزدەسۋ وتكىزدى. دەپۋتاتتار «سەمەي تسەمەنت زاۋىتى» جشس, «سەماز» جشس, «مەليسسا» جشس, «كەڭەس ي ك» جشس, باتىس التاي مەملەكەت­تىك تابيعي قورىعى, «يادرولىق تەحنولوگيالار پاركى» اق, «قر ۇياو» رمك, «زاريا» شق, «سۋگاتوۆسكوە» ودا, «وحمك» جشس, «بوبروۆكا» جشس, «كاز­تسينكماش» كاسىپورىندارىنىڭ ۇجى­مىمەن جانە قازمزۋ مەن ريد­دەر اگرارلىق-تەحنيكالىق كول­لەدجىنىڭ وقىتۋشى-پروفەسسورلار قۇرامىمەن جانە ستۋدەنتتەرىمەن كەزدەستى. باعدارلاما اياسىندا دەپۋ­تات­تار وسكەمەن قالاسىنداعى قحا مۇشەلەرى مەن ەتنومادەني بىرلەستىكتەردىڭ وكىل­دەرى­مەن, كۋرچاتوۆ جانە شەمو­ناي­­حا قالا­لارىنداعى ۇكىمەتتىك ەمەس ۇيىمداردىڭ جانە ەتنومادەني بىرلەس­­ت­ىكتەردىڭ وكىلدەرىمەن, كا­سىپورىن جۇ­مىس­شىلارىمەن, گلۋبو­كوە, سولنەچ­­نوە, بوبروۆكا اۋىلدارى مەن جارما جانە شەمو­نايحا اۋدان­دارىنىڭ تۇرعىن­دارىمەن كەزدەستى. سونىمەن قاتار, «مەليسسا», «كەڭەس ي ك» جشس مەن باتىس التاي مەم­­لە­كەتتىك تابيعي قورى­عىنىڭ قىز­مە­ت­كەر­لەرىمەن كەزدەسۋ بارىسىندا حا­لىق قالاۋلىلارى وسىمدىك جانە جانۋار­لار الەمى ماسەلەلەرى بويىن­شا ماجىلىستە قاراستىرىلىپ جاتقان زاڭ جوباسىنىڭ كەيبىر ەرەجەلەرىن تال­قىلاپ, ۇسىنىستاردى نازارعا الدى. ازامات قاسىم, «ەگەمەن قازاقستان» شىعىس قازاقستان وبلىسى