مادەنيەت پەن سپورت سالاسىنا قولداۋ كوپ

جۇما كۇنى ۇكىمەتتە وتكەن پرە­زي­دەنتتىڭ «قازاقستاننىڭ ءۇشىن­شى جاڭعىرۋى: جاھاندىق باسە­كە­گە قابىلەتتىلىك» جولداۋىنا ار­­نال­­عان بريفينگكە مادەنيەت جانە سپورت ۆيتسە-ءمينيسترى اقتوتى را­يىم­­قۇلوۆا, قازاق ۇلتتىق ونەر ۋني­ۆەر­سيتەتىنىڭ رەكتورى اي­مان مۇ­سا­قوجاەۆا, سپورت جانە دەنە شى­نىق­تىرۋ ىستەرى كوم­ي­تەتى­­نىڭ توراعاسى ەلسيار قانا­عاتوۆ, سون­داي-اق جۋىردا عانا ال­­ماتى قالا­سىن­دا وتكەن قىسقى ۋني­ۆەر­سيا­دا ويىن­دارىنىڭ جەڭىم­پازدارى قاتىستى. مادەنيەت جانە سپورت ۆيتسە-ءمينيسترى ەلباسى جولداۋىنداعى باسىم­دىقتار شەڭبەرىندە مي­نيستر­لىك مادەني ساياسات تۇجى­رىم­داماسىن, سپورتتى دامىتۋ تۇجىرىمداماسىن, تىلدەردى دامىتۋ مەن قولدانۋدىڭ مەملەكەتتىك باع­دار­لاماسىن ىسكە اسىراتىنىن جەت­كىزدى. سونداي-اق, مادەنيەت جانە سپورت مينيسترلىگىنىڭ باسىم ءمىن­دەتتەرىنىڭ تىزىمىندە دۋالدى ءبىلىم بەرۋدى ىسكە اسىرۋ مىندەتى بار. «شىعارماشىلىق ادامدارى بالا كەزدەن ءبىلىم بەرۋ جۇيەسىنە شىعارماشىلىق ساباقتارى قو­سىل­عان ارنايى ورتادا تاربيە­لەن­سە, كەيىن جوعارعى جەتىستىككە قول جەتكىزەدى. دۋالدى ءبىلىمنىڭ ءبىر وشاعى رەتىندە استانادا اشىلعان حورەوگرافيا اكادەمياسىن اتاۋعا بولادى. مۇندا ءبىرىنشى سىنىپتان دوكتورانتۋراعا دەيىن وقىتىلادى. ءبىز سول وقۋ ورنىندا بولاشاق بالەت جۇلدىزدارىن, الەمدىك دارەجەدەگى جۇلدىزداردى كوپتەپ وقىتامىز, تاربيەلەيمىز دەگەن سەنىمدەمىز», دەدى ا.رايىمقۇلوۆا. ۆيتسە-مي­نيستر مينيسترلىك ءبىرىنشى كەزەك­تە قازاقستاننىڭ جاس مادەنيەت قايراتكەرلەرىنە, سپورتشىلارىنا قولداۋ كورسەتۋ مىندەتىن قوياتىنىن حابارلادى. وسىنداي قولداۋدىڭ جارقىن مىسالى رەتىندە قازىرگى كەزدە قىتايداعى «I am a singer» حالىقارالىق بايقاۋىنا قاتىسىپ جاتقان ديماش قۇدايبەرگەندى اتادى. بريفينگتە ءسوز العان قازاق ۇلت­تىق ونەر ۋنيۆەرسيتەتىنىڭ رەك­­­تورى ايمان مۇساقوجاەۆا ەلى­­م­ىزدىڭ وسى ۋاقىتقا دەيىن جەت­كەن جەتىستىكتەرىنىڭ نەگىزىندە ادام كاپيتالى مەن مامانداردىڭ الەۋ­­ەتى تۇرعانىن ايتتى. ەلباسى جول­­داۋىندا كورسەتىلگەن سىني وي­لاۋدى, اقپاراتتىق تەحنولوگيا­لار­دى دامىتۋ ماسەلەلەرى دە وزەك­تى ەكەنىنە توقتالدى. «ءبىز­دىڭ ما­ماندار اقپاراتتىق تەح­نو­لوگيا­نى دا قولدانا الۋى كەرەك. اعىل­شىن تىلىندە دە سويلەي ءبىلۋى ءتيىس. ءۇش ءتىلدى مەڭگەرۋ تۋرالى تاپ­­سىر­ما ءوز ۋاقىتىندا بەرىلىپ وتىر دەپ ويلايمىن. ءبىز شەت ەل­دەرگە گاس­ترولدەرگە شىعىپ ءجۇر­مىز. سون­دا ءتىلدى بىلمەۋشىلىك پرو­بلە­ما تۋعىزادى», دەدى ايمان مۇسا­قوجاەۆا. ال سپورت جانە دەنە شى­نىقتىرۋ ىستەرى كوميتەتى­نىڭ ءتور­اعاسى ەلسيار قاناعاتوۆ قىس­­قى ۋنيۆەرسيادا ويىندارى توڭىرە­گىندە اڭگىمەلەدى. بيىلعى ستۋ­دەنت­­تەردىڭ دۇنيەجۇزىلىك ويىن­دارى­نىڭ قورىتىندىسى بو­يىن­شا قا­زاقستان قۇراماسى جال­پى كومان­دالىق ەسەپتە ەكىنشى ورىن­عا تابان تىرەگەنى بەلگىلى. بۇل ورايدا ە.قانا­عاتوۆ ءاربىر سپورت جارى­سىندا بۇرىنعى وتكەن جا­رىس­­تاردا­عى كورسەتكىشتەردەن جو­عارى ءناتي­جە كورسەتۋ مىندەتى قويى­لاتىنىن ايتتى. بريفينگ سوڭىندا باق وكىلدەرى قىسقى ۋنيۆەرسيادا ويىندارىنىڭ جەڭىمپازدارىمەن سۇراق-جاۋاپ تۇرىندە پىكىر الىستى. ايگۇل سەيىلوۆا, «ەگەمەن قازاقستان»