جولداۋدى تالقىلاۋعا قاتىستى

سەنات دەپۋتاتى داريعا نازارباەۆا الماتى قالاسىن­داعى تۇڭعىش پرەزيدەنت – ەلباسى قورىندا قازاقستان رەسپۋبليكاسىنىڭ پرەزيدەنتى جولداۋىن تالقىلاۋعا بايلا­نىستى ساراپشىلار قاۋىمداس­تىعىنىڭ وكىلدەرىمەن كەزدەستى. تالقىلاۋعا مەملەكەتتىك تال­داۋ قۇرىلىمدارىنىڭ, قوعام­دىق قورلاردىڭ جانە ۇكىمەتتىك ەمەس ۇيىمدار مەن بۇقارالىق اقپارات قۇرالدارىنىڭ وكىل­دەرى قاتىستى, دەپ حابارلادى وسى پالاتانىڭ ءباسپاسوز قىزمەتى. كەزدەسۋدە ساراپشىلار جول­داۋدىڭ ماڭىزدى ماسەلە­لەرىمەن قاتار, بيلىك تارماقتارىنىڭ, ورتالىق پەن ايماقتار اراسىن­داعى وكىلەتتىكتەردى قايتا ءبولۋ تۋرالى دا ءوز ويلارىمەن ءبولىستى. جەرگىلىكتى ءوزىن ءوزى باسقارۋدى دامىتۋ ماسەلەلەرىنە ەرەكشە نازار اۋدارىلدى. ساراپشىلار ءماسليحاتتار وكىلدىك جانە قۇقىق قالىپ­تاستىرۋشى مىندەتتەرىن تو­لىق كولەم­دە اتقارا وتىرىپ, وزدەرىنىڭ جەرگىلىكتى جەر­لەر­دى باسقارۋعا بەلسەندى اتسا­لىسۋى كەرەك ەكەنىنە كەلىستى. بۇل ولاردىڭ قىزمەتىن قالىپ­تاس­تىرۋعا, وكىلەتتىكتەرى مەن قىزمەت رەسۋرستارىنا تالاپ­تار­دى ايعاقتايدى. سوندىق­تان, قوعام­­دىق كەڭەستەردىڭ جۇمىس تاجىريبەسىن زەردەلەۋ جانە ەڭ ءتيىمدى ۇلگىلەرىن ونەگە رەتىندە تاراتۋ ۇسىنىلدى. پىكىرسايىس بارىسىندا پار­لا­مەنتتىڭ وكىلەتتىگىن كۇشەيتۋ, دەپۋتاتتار مەن فراكتسيالار­دىڭ زاڭنامالىق باستامالارىن تالداۋدى قامتاماسىز ەتۋ, ۇكىمەت­تىك زاڭ جوبالارىنا قۇقىق­تىق ساراپتاما جاساۋ جونىندە ناق­تى ۇسىنىستار ءتۇستى. ساراپ­شى­لار قابىلدانعان زاڭدار­دى ىسكە اسىرۋعا جۇرتشى­لىق­تى تارتۋدا اۋقىمدى ءتۇسىن­دىرۋ جۇمىستارىن قولعا الۋ­دىڭ, سونداي-اق مونيتو­رينگ جۇرگىزۋدىڭ قاجەتتىگىنە نازار اۋداردى.