باسەكەگە قابىلەتتىلىكتىڭ ايقىن كورىنىسى

مەملەكەتتىك حاتشى گۇلشارا ابدىقالىقوۆا «كورپوراتيۆتىك سەكتورداعى ايەلدەر مۇمكىندىكتەرىن كەڭەيتۋ» اتتى حالىق­ارا­لىق فورۋمعا قاتىستى. فورۋمعا قازاقستان پرەزي­دەنتى جانىنداعى ايەلدەر ىستەرى جانە وتباسىلىق-دەموگرا­فيالىق ساياسات جونىندەگى ۇلتتىق كوميسسيا مۇشەلەرى, پارلامەنت دەپۋتاتتارى, مەملەكەتتىك ور­گان­­دار مەن ۇلتتىق كومپانيا­لار­دىڭ با­س­­شىلارى, شەت مەملە­كەت­تەر­دىڭ ەلشىلەرى, حالىقارالىق ۇيىم­­داردىڭ, ۇەۇ وكىلدەرى, قازاق­ستاندىق جانە شەتەلدىك ساراپ­شىلار, باق وكىلدەرى قاتىستى. مەملەكەتتىك حاتشى قازاق­ستان پرەزيدەنتىنىڭ «قازاقستان­نىڭ ءۇشىنشى جاڭعىرۋى: جاھان­دىق باسەكەگە قابىلەتتىلىك» ات­تى جولداۋىندا ەلىمىز ءوز دامۋىن­داعى جاڭا داۋىرگە قادام باس­قانىن اتاپ وتكەنىن ايتتى. گ.ءاب­دى­قالىقوۆا جولداۋدىڭ ەكىنشى باسىمدىعى – بيزنەس احۋالىن تۇبەگەيلى جاقسارتۋ جانە اياسىن كەڭەيتۋ ىسىنە ايەلدەردىڭ بەلسەنە اتسالىسۋىن قامتاماسىز ەتۋ قاجەتتىگىنە نازار اۋداردى. – كوپ نارسە شاعىن جانە ورتا بيز­نەس كاسىپورىندارىن باس­قاراتىن ايەلدەرگە بايلانىستى. ايەل باسشىلاردىڭ قوعامدىق ۇدەرىستەرگە اتسالىسۋى باسقارۋ­شىلىق ءراسىمى مەن باسەكەگە قابى­لەتتىلىكتى ارتتىرۋ ساپاسىنا وڭ اسەرىن تيگىزەدى. بۇدان بولەك, يننوۆاتسيالىق ستارتاپتار قۇرۋ­دا عىلىمدى قاجەت ەتەتىن ەكونوميكا درايۆەرلەرىنىڭ ءبىرى رەتىندە ايەلدەر قىزمەتىنىڭ بەل­سەن­دىلىگىن ارتتىرۋ قاجەت, – دەدى گ.ابدىقالىقوۆا. بۇگىندە ەلدىڭ بارلىق بەلسەن­دى شاعىن جانە ورتا بيزنەس سۋبەكتىلەرىنىڭ 44%-ىن (570 مىڭنان استام سۋبەكت) ايەلدەر باسقارادى. ولار قازاقستاننىڭ شاعىن جانە ورتا بيزنەس سەك­تورىنداعى بارلىق جۇمىس ورىندارىنىڭ 31%-ىن قامتىپ وتىر. رەسپۋبليكادا ايەلدەر بيز­­نەسىن دامىتۋعا ارنالعان مەم­­لەكەتتىك باعدارلامالار, ۇكى­مەت پەن ەقدب, بۇۇ دامۋ باع­­دار­لاماسى, دۇنيەجۇزىلىك بانك, ت.ب. حالىقارالىق دامۋ ينس­تي­تۋتتارى اراسىنداعى كەلى­سىم­دەر ارقىلى جۇزەگە اسىرىلادى. بۇدان بولەك, اۋىلداعى ايەل-كاسىپكەرلەرگە «قازاگرو» حول­دينگى ارقىلى قولداۋ كور­سەتىلۋدە. وسىلايشا, سوڭعى ءۇش جىل­دا نەسيە الۋشىلاردىڭ 32%-ى ايەلدەر بولىپ وتىر. مۇنداي شارالار قابىلداۋ قازاقستانعا دۇنيەجۇزىلىك ەكونوميكالىق فورۋمنىڭ «ەكونوميكاعا اتسالىسۋ جانە ايەلدەر مۇمكىندىكتەرى» رەيتينگى كورسەتكىشىن جاقسارتىپ, 31-ءشى ورىنعا جەتۋگە مۇمكىندىك بەردى. مەملەكەتتىك حاتشى قازاق­ستان­دا قازىر 4 ميلليوننان استام وتباسى بار ەكەنىن اتاپ ءوتتى. ەلى­مىزدە وتباسىنى نىعايتۋ ماق­­سا­تىمەن قاجەتتى جاعدايلار جاساۋ جونىندە جۇيەلى جۇمىستار جۇرگىزىلۋدە. مەملەكەت باسشى­سى­نىڭ جارلىعىمەن قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەن­دەر­لىك ساياسات تۇجىرىمداماسى بەكىتىلدى. تۇجىرىمدامانىڭ ماقساتى – گەندەرلىك تەڭدىك دەڭگەيىن, وتباسى مۇشەلەرىنىڭ تۇرمىستىق, ەكونوميكالىق, ادامگەرشىلىك-ءتار­بيەلىك, قورعاۋشىلىق جانە باسقا دا ماڭىزدى فۋنك­تسيا­­لارىن ورىنداۋداعى جاۋاپ­كەرشى­لىگىن, تەپە-تەڭدىگى مەن ناتيجەلىلىگىن ارتتىرۋ. سوڭىندا گ.ابدىقالىقوۆا مەملەكەت باسشىسىنىڭ 2017 جىلعى جولداۋىندا بەلگىلەنگەن ءمىن­دەتتەردى ورىنداۋ ءۇشىن ايەل­دەردىڭ كورپوراتيۆتىك سەكتور­داعى مۇمكىندىكتەرىن كەڭەيتىپ, شاعىن جانە ورتا بيزنەستى ودان ءارى دامىتۋدىڭ باسىمدىقتارىن ايقىنداپ بەردى. ءلايلا ەدىلقىزى, «ەگەمەن قازاقستان»