ماڭىزدى مىندەتكە – تەمىردەي تالاپ

«باتىس ەۋروپا – باتىس قىتاي» حالىقارالىق ءدا­لىزىنىڭ قۇرىلىسى باستالعان ساتتەن جوبانى جۇزەگە اسى­رۋشى كومپانيالار مەن ۇيىمداردىڭ ەڭبەك زاڭناماسىن ساقتاۋ ماسەلەسىن مەملەكەتتىك ەڭبەك ينسپەكتورلارى, ەڭبەك جانە الەۋمەتتىك قورعاۋ مينيسترلىگى مەن ءدالىز ۋچاسكەلەرى وتەتىن وبلىستارداعى مينيسترلىكتىڭ اۋماق­تىق ورگاندارى باقى­لاۋعا العان. قۇرىلىس باستالعان ۋاقىتتان بەرى اقتوبە, قىزىلوردا, جام­بىل, وڭتۇستىك قازاقستان وبلىستارىنىڭ مەملەكەتتىك ەڭبەك ينس­پەكتورلارى 69 كاسىپورىندا 115 جوسپارلى جانە جوسپارسىز تەكسەرۋ جۇرگىزگەن. تەكسەرۋ بارىسىندا جۇمىس بەرۋشىلەر تاراپىنان ەڭبەك زاڭناماسىن ورىنداماۋدىڭ كوپتەگەن فاكتىلەرى انىقتالعان. قازاقستاننىڭ ەڭبەك زاڭناماسىنىڭ بۇزىلۋ وقيعالارى بوي­ىنشا جۇمىس بەرۋشىلەر مەن زاڭدى تۇلعالار اكىمشىلىك جاۋاپكەرشىلىككە تارتىلىپ, 4 ملن. تەڭگەدەن استام سوماعا ايىپپۇل تولەدى. جۇمىسشىلاردىڭ قۇقىقتىق ساۋاتىن اشۋ ءۇشىن ءاردايىم اق­پاراتتىق-ءتۇسىندىرۋ جۇمىستارى جۇرگىزىلىپ, نىسانداردا جۇمىس­شى­لاردىڭ ەڭبەك زاڭناماسى بويىنشا قۇقىقتارىن قورعايتىن ورگانداردىڭ مالىمەتى, جاۋاپتى تۇلعالار مەن ولاردىڭ بايلانىس تەلەفوندارى كورسەتىلگەن اقپاراتتىق ستەندتەر ورناتىلعان. قازىرگى ۋاقىتتا «باتىس ەۋروپا – باتىس قىتاي» جوباسىندا 110 مەردىگەر جانە قوسالقى مەردىگەر وتاندىق كومپانيالار, شەتەلدىك كومپانيالاردىڭ بولىمشەلەرى مەن وكىلدىكتەرى جۇمىس ىستەيدى. ءوندىرىس ورنىندا توتەنشە وقيعالار مەن زاڭنىڭ بۇزىلۋىنىڭ الدىن الۋ ءۇشىن مينيسترلىك پەن ونىڭ اۋماقتىق ورگاندارى ەڭبەك زاڭناماسىنىڭ ساقتالۋىن, مەردىگەر جانە قوسالقى مەردىگەر كوم­پا­نيالاردىڭ جۇمىسشىلارعا ۋاقىتىلى جالاقىسىن تولەۋ ماسەلەسىن باقىلاۋعا العان. سونىمەن قاتار, جوباعا جاڭادان قاتىسۋشى جۇ­مىس بەرۋشىلەرگە قازاقستان رەسپۋبليكاسىنىڭ ەڭ­بەك زاڭناماسىن ساقتاۋ ماسەلەسى بويىنشا جانە جول قۇرى­لى­سىندا ەڭبەك قاۋىپ­سىز­دىگىن ساقتاۋ شارالارى جونىندە ۇسىنىس حاتتار جىبەرىلەدى. «ەگەمەن-اقپارات».