ونىمدىلىكتى ارتتىرۋ – ءومىر تالابى

الماتى قالاسىنداعى ارنايى ەكونوميكالىق ايماق – «الاتاۋ» يننوۆاتسيالىق تەحنولوگيالار پاركىندە» ۇدەمەلى يندۋستريالىق-يننوۆاتسيالىق دامۋ جونىندەگى ۇيلەس­تى­رۋ كەڭەسىنىڭ وتىرىسى پرەمەر-ءمينيستردىڭ ورىنباسارى, يندۋستريا جانە جاڭا تەحنولوگيالار ءمينيسترى اسەت يسەكەشەۆتىڭ قاتىسۋىمەن ءوتتى. كەڭەس وتىرىسىندا «ءونىم­دى­لىك-2020» مەملەكەتتىك باعدار­لا­ما­سىنىڭ جۇزەگە اسىرىلۋ قار­قى­نى مەن «الاتاۋ» يننوۆاتسيالىق تەحنولوگيالار پاركى» ارنايى ەكو­نوميكالىق ايماعىنىڭ دامۋ بارىسى تالقىلاندى. اتالمىش ەكو­نوميكالىق ايماق ەل پرەزيدەنتى ن.نازارباەۆتىڭ 2003 جىل­عى 18 تامىزدا شىعارعان №1166 بۇيرىعىنا ساي بوي كوتەرگەن بو­لا­تىن. مەملەكەتتىڭ تەحنولوگيا­لىق الەۋەتىن ارتتىرۋ بارىسىندا ەكونوميكانىڭ جوعارى تەحنولو­گيا­لىق اعىمىن جەتىلدىرىپ, قا­زاقستان ەكونوميكاسىن حالىق­ارا­لىق شارۋاشىلىق بايلانىس جۇيە­سىنە ەنگىزۋ, الدىڭعى قاتار­لى تەحنولوگيالىق جانە باسەكەگە قابىلەتتى كاسىپورىندار اشۋ, جاڭا ءونىم تۇرلەرىن شىعارۋ, سونداي-اق يننوۆاتسيالىق سالانى كوتەرۋ ءۇشىن ينۆەستيتسيا تارتۋ سەكىلدى بىرقاتار ماقساتتاردى العا قوي­عان-دى. ۇستىمىزدەگى جىلدىڭ 13 مامىرىندا وتكەن «يننوۆا­تسيا­لىق قازاقستان-2020» اتتى مەملەكەتتىك وتىرىستا ەلباسى ن.نازارباەۆ ارنايى ەكونوميكالىق ايماقتى دامىتۋدىڭ جاڭا ۇسى­نىس­تارىن ماقۇلدادى. ۇيلەستىرۋ كەڭەسىنىڭ الما­تىداعى وتىرىسىنا مەملەكەتتىك ورگان وكىلدەرى, اكىمشىلىك جانە الماتى قالاسى, وڭتۇستىك قا­زاق­ستان, جامبىل جانە قىزىلوردا وبلىسىنان كەلگەن ارنايى ءون­دى­رىستىك كورپوراتسيالاردىڭ مامان­دا­رى قاتىستى. جينالعان كوپ­شى­لىك الدىندا يندۋستريا جانە جاڭا تەحنولوگيالار مينيستر­لى­گى وكىلىنىڭ ايماقتارداعى ونىمدىلىك باعدارلاماسى بويىنشا اتقارىل­عان جۇمىستىڭ ناتيجەسى تۋرالى ەسەبى تىڭدالىپ, ارنايى شاقىر­تىل­عان «قازفوسفات» جشس-ءنىڭ جاڭاشىل جوسپاردى جۇزەگە اسى­رۋ ءادىسى مەن زاماناۋي باسقارۋ تەح­نو­لوگياسىن تاجىريبەگە ەنگىزىپ ۇلگەرگەن ورتا بيزنەس وكى­لىنىڭ تالدىقورعاندىق «قاي­نار» اق اك­كۋ­مۋلياتور زاۋى­تىنىڭ باع­دار­­لا­ماسىن يگەرۋ ۇلگىسى ۇسى­نىلدى. ونىمدىلىكتى ارتتىرۋشى ار­نايى كورپوراتسيالارعا وڭتۇستىك اي­ماق بويىنشا 150 كاسىپ­ورىن­نان ءوتىنىش كەلىپ تۇسكەن. قازىر ولاردىڭ قۇجاتتارى رەسىمدەلىپ جاتىر. الايدا, الماتى قالاسى مەن جامبىل, شىمكەنت, قىزىل­وردا وبلىستارىن قوسا ەسەپتەگەندە بۇل كورسەتكىش ءالى دە ازدىق ەتەتىنىنە توقتالعان ۆيتسە-پرەمەر ءوتىنىش ءبىلدىرىپ وتىرعان 45 جوبا ماشينا جاساۋمەن اينا­لىساتىن كومپانيالاردىڭ ۇلە­سىندە ەكەندىگىن, يندۋستريا­لان­دى­رۋ كارتاسى اياسىندا ىسكە قو­سىل­عان ماشينا جاساۋشى 15 جوبا جارتى جىل ىشىندە ونىمدىلىك قارقىنىن 26 پايىزعا ارتتىرىپ, ەڭبەك ونىمدىلىگى بويىنشا 60 پايىزدىق جەتىستىككە جەتىپ وتىر­عانىن, ال قۇرىلىس ماتەريالدا­رىن ءوندىرۋ سالاسى بويىنشا ءوتىنىش بىلدىرگەن 28 جوبا مەملەكەتتىك تۇرعىن ءۇي باعدارلاماسىنا ۇلەس قوسۋ ءۇشىن جاسالعان وڭدى قادام ەكەندىگىن ايتىپ ءوتتى. سو­نىمەن قاتار, قورىتىندىلانعان كورسەتكىشكە ساي قىزىلوردا جانە جامبىل وبلىسى اكىمدەرىنىڭ ورىن­با­سارلارىنان باعدارلامانى جۇزەگە اسىرۋدا سىلبىرلىق تا­نىت­قان­دارى ءۇشىن تۇسىنىك بەرۋدى سۇرادى. «قارجىلىق شىعىندى كوپ تالاپ ەتپەيتىن, الايدا ونىمدىلىكتى ارتتىرۋدا جاقسى كورسەتكىشكە قول جەتكىزەتىن, سونداي-اق ءونىمنىڭ قۇنىن جەڭىلدەتەتىن سالالاردا باسقارۋ تەحنولوگياسىن ەنگىزۋگە كوڭىل اۋدارۋ كەرەك» – دەدى, ءا.يسە­كەشەۆ. قانات ەسكەندىر, الماتى.