قازاقستان رەسپۋبليكاسى جوعارعى سوتىنىڭ نورماتيۆتىك قاۋلىسى №16

2016 جىلعى 22 جەلتوقسان, استانا قالاسى «سوتتاردىڭ قىلمىستىق ىستەردى قىسقارتىلعان تارتىپپەن قاراۋى تۋرالى» قازاقستان رەسپۋبليكاسى جوعارعى سوتىنىڭ 2004 جىلعى 26 قاراشاداعى №17 نورماتيۆتىك قاۋلىسىنا وزگەرىستەر مەن تولىقتىرۋلار ەنگىزۋ تۋرالى 1. «سوتتاردىڭ قىلمىستىق ىستەردى قىسقارتىلعان تارتىپپەن قاراۋى تۋرالى» قازاقستان رەسپۋبليكاسى جوعارعى سوتىنىڭ 2004 جىلعى 26 قاراشاداعى №17 نورما­تيۆتىك قاۋلىسىنا (قازاقستان رەسپۋبليكاسى جوعارعى سوتىنىڭ 2010 جىلعى 25 ماۋ­سىمداعى №19 نورماتيۆتىك قاۋلىسىمەن ەنگىزىلگەن وزگەرىستەرىمەن جانە تولىقتىرۋ­لارىمەن بىرگە) مىناداي وزگەرىستەر مەن تولىقتىرۋلار ەنگىزىلسىن: 1) بۇكىل ءماتىن بويىنشا: «قىجك-دە», «قىجك-ءنىڭ», «قىجك-گە» تيىسىنشە دەگەن سوزدەر «قپك-دە», «قپك-ءنىڭ», «قپك-گە» دەگەن سوزدەرمەن اۋىستىرىلسىن; بۇكىل ءماتىن بويىنشا «363» دەگەن تسيفرلار «382» دەگەن تسيفرلارمەن اۋىستىرىلسىن; 2) 2-تارماقتا: ءبىرىنشى ابزاتستا: «قىلمىستىق - ءىس جۇرگىزۋ كودەكسىنىڭ ء(ارى قاراي – قىجك) دەگەن سوزدەر «قىلمىستىق-پروتسەستىك كودەكسىنىڭ ء(ارى قاراي – قپك)» دەگەن سوزدەرمەن اۋىستىرىلسىن; «تەك ونشا اۋىر ەمەس جانە اۋىرلىعى ورتاشا قىلمىستار تۋرالى» دەگەن سوزدەر «ونشا اۋىر ەمەس, اۋىرلىعى ورتاشا, سونداي-اق اۋىر قىلمىستار تۋرالى» دەگەن سوزدەرمەن اۋىستىرىلسىن; ەكىنشى ابزاتستا «قولدانىلۋىنا داۋ تۋعىزباسا جانە» دەگەن سوزدەردەن كەيىن «قىسقارتىلعان سوتقا دەيىنگى تەرگەۋ ىستەرى بويىنشا, سونداي-اق, كىنانى مويىنداۋ تۋرالى پروتسەستىك كەلىسىم نەمەسە مەدياتسيا تارتىبىمەن تاتۋلاسۋعا قول جەتكىزۋ تۋرالى كەلىسىم جاسالعان ىستەر بويىنشا» دەگەن سوزدەرمەن تولىقتىرىلسىن; 3) 3-تارماق مىناداي رەداكتسيادا جىزىلسىن: «3. ءىستى قىسقارتىلعان تارتىپپەن قاراۋ تۋرالى ماسەلەنى سوت قپك-ءنىڭ 382-بابىنىڭ ءبىرىنشى بولىگىندە كورسەتىلگەن نەگىزدەردى انىقتاعاننان كەيىن, ءىستى وندىرىسكە قابىلداعان كەزدە ءوزى, سونداي-اق باس سوت تالقىلاۋىنىڭ باسىندا, تاراپتاردىڭ پىكىرىن ەسكەرە وتىرىپ, شەشەدى. سوتتىڭ شەشىمى باستى سوت تالقىلاۋىن تاعايىنداۋ تۋرالى قاۋلىلاردا جازىلادى نەمەسە سوت تالقىلاۋىنىڭ بارىسىندا تىكەلەي جاريالانادى.»; 4) 4-تارماق مىناداي رەداكتسيادا جازىلسىن: «4. ەگەر باستى سوت تالقىلاۋ بارىسىندا پروكۋرور اسا اۋىر قىلمىستى جاسادى دەگەن ايىپتى باسقا ونشا اۋىر ەمەس قىلمىس جاسادى دەگەن ايىپقا وزگەرتسە, سوت سوت وتىرىسىن قىسقارتىلعان تارتىپپەن جۇرگىزۋ تۋرالى ماسەلەنى قاراۋعا ءتيىس. تاراپتار ءىستى قىسقارتىلعان تارتىپپەن قاراۋ تۋرالى ءوتىنىشحات بەرگەن جاعدايدا ءىستى ءىس جۇرگىزۋگە قابىلداۋ كەزىندە جانە وعان قپك-ءنىڭ 382-بابىنىڭ ءبىرىنشى بولىگىندە كورسەتىلگەن نەگىزدەر بولعان كەزدە ءىستى الدىن الا تىڭداۋ قپك-ءنىڭ 321-بابىنىڭ تالاپتارىنا سايكەس جۇرگىزىلەدى.»; 5) 5-تارماق الىپ تاستالسىن; 6) 6-تارماقتا: ءبىرىنشى ابزاتستا «299-300» دەگەن تسيفرلار «319, 320» دەگەن تسيفرلارمەن اۋىستىرىلسىن; 2, 3, 4, 5 - ابزاتستاردى تيرە بەلگىسىمەن بەلگىلەۋ الىپ تاستالسىن; بەسىنشى ابزاتستا «الدىن الا تەرگەۋ» دەگەن سوزدەردەن كەيىن «,سوتقا دەيىنگى جەدەلدەتىلگەن تەرگەپ-تەكسەرۋ جۇرگىزۋ, كىنانى مويىنداۋ تۋرالى پروتسەستىك كەلىسىم, مەدياتسيا تارتىبىمەن تاتۋلاسۋعا قول جەتكىزۋ تۋرالى كەلىسىم جاساسۋ» دەگەن سوزدەرمەن تولىقتىرىلسىن; 7) 7-تارماق مىناداي رەداكتسيادا جىزىلسىن: «7. سوتتىڭ ءىستى قىسقارتىلعان تارتىپپەن قاراۋ تۋرالى شەشىمى باستى سوت تالقىلاۋىن تاعايىنداۋ تۋرالى قاۋلىلاردا, نەمەسە باستى سوت تالقىلاۋىندا جەكە قۇجات رەتىندە, نەمەسە ونى سوت وتىرىسىنىڭ حاتتاماسىنا ەنگىزە وتىرىپ, جازىلادى.»; 8) 8-تارماقتا: ءبىرىنشى ابزاتس مىناداي رەداكتسيادا جازىلسىن: «سوت تالقىلاۋىن قىسقارتىلعان تارتىپپەن جۇرگىزۋ كەزىندە سوت تەرگەۋى قپك-ءنىڭ 382-بابىنىڭ ەكىنشى بولىگىنە سايكەس جۇرگىزىلەدى. بۇل رەتتە باسقا دالەلدەمەلەردى جاريالاۋ جانە زەرتتەۋ تالاپ ەتىلمەيدى, ويتكەنى ولاردى ەشكىم داۋلامايدى جانە ولار نانىمدىلىعى, قاتىستىلىعى جانە جول بەرىلەتىندىگى بويىنشا تانىلادى. سوت ءجارىسسوزى مەن ءىستىڭ قارالۋىن اياقتاۋ سوت ءجارىسسوزى جۇرگىزىلمەيتىن جانە سوتتالۋشى سوڭعى ءسوزدى سويلەمەيتىن, مەدياتسيا تارتىبىمەن تاتۋلاسۋعا قول جەتكىزۋ تۋرالى كەلىسىم جاسالعان ىستەردى قوسپاعاندا, قپك-ءنىڭ 383, 384, 385, 386-باپتارىندا بەلگىلەنگەن قاعيدالار بويىنشا جۇرگىزىلەدى.»; ءۇشىنشى ابزاتس الىپ تاستالسىن; مىناداي مازمۇنداعى ءتورتىنشى ابزاتسپەن تولىقتىرىلسىن: «ەگەر ول ءىس بويىنشا تاراپ بولىپ تابىلمايتىن باسقا ادامداردىڭ قۇقىقتارى مەن زاڭدى مۇددەلەرىن قوزعايتىن ءمان-جايلاردى زەرتتەۋدىڭ جان-جاقتىلىعىنا, تولىقتىعى مەن وبەكتيۆتىلىگىنە اسەر ەتەتىن بولسا, سوت تالقىلاۋى قىسقارتىلعان تارتىپپەن ءجۇر­گىزىلۋى مۇمكىن ەمەس.»; 9) 9-تارماقتا: «363-بابىنىڭ ءتورتىنشى بولىگىنىڭ» دەگەن سوزدەر «382-بابىنىڭ ءۇشىنشى بولىگىنىڭ» دەگەن سوزدەرمەن اۋىستىرىلسىن; «366» دەگەن تسيفرلار «385» دەگەن تسيفرلارمەن اۋىستىرىلسىن; مىناداي مازمۇنداعى ەكىنشى, ءۇشىنشى جانە ءتورتىنشى ابزاتستارمەن تولىقتىرىلسىن: «ءىستى سوتتا ءىس جۇرگىزۋگە قابىلداۋ ساتىسىندا باستى سوت تالقىلاۋىن تاعايىنداۋعا كەدەرگى كەلتىرەتىن قىلمىستىق-پروتسەستىك زاڭنامانىڭ ەلەۋلى بۇزۋشىلىقتارى انىقتالسا, ال سوتقا دەيىنگى جەدەلدەتىلگەن تەرگەپ-تەكسەرۋ, كىنانى مويىنداۋ تۋرالى جاسالعان پروتسەستىك كەلىسىمى بار ىستەر بويىنشا دا جانە باستى سوت تالقىلاۋى بارىسىندا دا وسى بۇزۋشىلىقتار انىقتالسا, سوت ولاردى جويۋ ءۇشىن ءۋاجدى قاۋلىمەن قپك-ءنىڭ 323-بابىنىڭ تارتىبىمەن ءىستى پروكۋرورعا قايتارادى. سوتقا دەيىنگى جەدەلدەتىلگەن تەرگەۋ ىستەرى بويىنشا, كىنانى مويىنداۋ تۋرالى جاسالعان پروتسەستىك كەلىسىمى بار ىستەر بويىنشا باستى سوت تالقىلاۋى بارىسىندا انىقتالعان قىلمىستىق-پروتسەستىك زاڭنامانى ەلەۋلى بۇزۋشىلىقتار دەپ سوتتى ونى جۇرگىزۋ مۇمكىندىگىنەن ايىراتىن بۇزۋشىلىقتاردى تانىعان ءجون. اتاپ ايتقاندا, سوتقا دەيىنگى جەدەلدەتىلگەن تەرگەۋ ىستەرى بويىنشا باستى سوت تالقىلاۋىن جۇرگىزۋگە قپك-ءنىڭ 190-بابىنىڭ التىنشى بولىگىندە كوزدەلگەن نەگىزدەر, كىنانى مويىنداۋ تۋرالى جاسالعان پروتسەستىك كەلىسىمى بار ىستەر بويىنشا, قپك-ءنىڭ 613-بابىندا كورسەتىلگەن شارتتاردىڭ بۇزىلۋى كەدەرگى بولۋى مۇمكىن.»; 10) 10-تارماقتا: ءۇشىنشى سويلەمدەر مىناداي رەداكتسيادا جازىلسىن: «ايرىقشا جاعدايلاردا بۇل مەرزىم قپك-ءنىڭ 382-بابىنىڭ ەكىنشى بولىگىنە سايكەس سۋديانىڭ ءۋاجدى قاۋلىسىمەن جيىرما تاۋلىككە دەيىن ۇزارتىلۋى مۇمكىن.»; مىناداي مازمۇنداعى ەكىنشى ابزاتسپەن تولىقتىرىلسىن: «ءىس قاراۋ مەرزىمدەردى ۇزارتۋدىڭ نەگىزدەرى سوتتالۋشىنىڭ, جابىرلەنۋشىنىڭ كەلمەۋى; تاراپتاردىڭ زالالدى ءوز ەركىمەن وتەۋ ءۇشىن مەرزىم بەرۋگە ءوتىنىشحات بەرۋى; پروتسەستىك كەلىسىم جاساسۋ تۋرالى ءوتىنىشحات بەرۋ جانە ت.ب. بولۋى مۇمكىن.»; 11) 12-تارماق مىناداي مازمۇنداعى ەكىنشى سويلەممەن تولىقتىرىلسىن: «قىسقارتىلعان تارتىپپەن قارالعان ىستەر بويىنشا شاعىمداردى, سوتتىڭ ۇكىمدەرىنە, قاۋلىلارىنا نارازىلىقتاردى اپەللياتسيالىق تارتىپپەن قاراۋدى سۋديا جەكە-دارا جۇزەگە اسىرادى.»; 12) 13-تارماقتا: «جانە قاداعالاۋ شاعىمدار» دەگەن سوزدەر «شاعىمدار, كاسساتسيالىق ءوتىنىشحاتتار,» دەگەن سوزدەرمەن اۋىستىرىلسىن; ەكىنشى سويلەم الىپ تاستالسىن; 13) مىناداي مازمۇنداعى 13-1, 13-2-تارماقتارمەن تولىقتىرىلسىن: «13-1. قازاقستان رەسپۋبليكاسى قىلمىستىق كودەكسىنىڭ (بۇدان ءارى – قك) 55-بابىنىڭ ءۇشىنشى بولىگىنە سايكەس جەدەلدەتىلگەن سوتقا دەيىنگى تەرگەپ-تەكسەرۋ بويىنشا قىلمىستىق ىستەردى قىسقارتىلعان تارتىپپەن قاراۋ كەزىندە جاسالعان قىلمىس ءۇشiن جازانىڭ مەرزىمىن جانە مولشەرىن قك-ءنىڭ ەرەكشە بولىگىنىڭ ءتيىستى بابىندا كوزدەلگەن جازانىڭ نەعۇرلىم قاتاڭ ءتۇرىنىڭ ەڭ جوعارى مەرزىمىنىڭ نەمەسە مولشەرىنىڭ جارتىسىنان اسىرۋعا بولمايدى. 13-2. كىنانى مويىنداۋ تۋرالى جاسالعان پروتسەستىك كەلىسىمى بار قىلمىستىق ىستەر ارنايى نورما بولعاندىقتان, قپك-ءنىڭ 64-تاراۋىنىڭ تالاپتارىن ساقتاي وتىرىپ, كەلىسىمدىك ءىس جۇرگىزۋ تارتىبىمەن شەشىلەدى. ىنتىماقتاستىق تۋرالى پروتسەستىك كەلىسىمى بار ىستەر قىسقارتىلعان تارتىپپەن قارالۋعا جاتپايدى جانە قپك-ءنىڭ 51-تاراۋىنا سايكەس سوت شەشىمدەرىن ورىنداۋ ساتىسىندا شەشىلەدى.». 2. قازاقستان رەسپۋبليكاسى كونستيتۋتسياسىنىڭ 4-بابىنا سايكەس وسى نورماتيۆتىك قاۋلى قولدانىستاعى قۇقىق قۇرامىنا قوسىلادى, جالپىعا بىردەي مىندەتتى بولىپ تابىلادى جانە العاش رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسى جوعارعى سوتىنىڭ توراعاسى ق.ءمامي قازاقستان رەسپۋبليكاسى جوعارعى سوتىنىڭ سۋدياسى, جالپى وتىرىس حاتشىسى ق.شاۋحاروۆ