Goldman Sachs: وپەك+ كەلىسىمى 84%-عا ورىندالادى

اقش-تىڭ Goldman Sachs ينۆەستيتسيالىق بانكى مۇناي ءوندىرىسىن ازايتۋ تۋرالى وپەك+ (ۇيىمعا مۇشە جانە وعان كىرمەيتىن ەكسپورتتاۋشى ەلدەر) كەلىسىمىنىڭ 84 پايىزعا ورىندالاتىنىن حابارلايدى. 1 قاڭتاردان باستاپ كۇشىنە ەنگەن ءوندىرىستى تاۋلىگىنە 1,8 ملن باررەل ازايتۋ تۋرالى كەلىسىمشارت تالاپتارىن ورىنداۋعا قازىر كۋۆەيت, ومان, ساۋد ارابياسى مەن يراك كىرىسىپ كەتتى. Goldman Sachs ساراپشىسى دەميەن كۋرۆالەن ءوزىنىڭ شولۋىندا اتالعان كەلىسىمنىڭ ىسكە اسىرىلۋى نارىقتاعى جاعدايدى تۇراقتاندىرۋدىڭ كىلتى ەكەنىن اتاپ ءوتتى. «بۇل ءوز كەزەگىندە شىعىنى كوپ ءوندىرىس ورىندارىنىڭ ءوندىرىستى توقتاتىپ, شىعىنى از ۇڭعىمالاردىڭ ءوندىرىستى ەسەلەپ ارتتىرۋىنا جول اشادى", - دەپ بولجايدى ساراپشى. ەستەرىڭىزگە سالا كەتەيىك, بىلتىر باعا ارزانداعاندا كوپتەگەن كومپانيالار ءوندىرىستى تەك شىعىنى از كەن ورىندارىنا قاراي كوشىرگەن ەدى. بانك ماماندارىنىڭ پىكىرىنشە, 2018 جىلعا دەيىن نارىقتاعى بۇل ەكىۇدايىلىق ساقتالماق. Goldman Sachs بولجامىنشا, 2017 جىلدىڭ جازىنا دەيىن مۇناي باعاسى 59 دوللارعا جەتەدى.